月娘上知影
《月娘上知影》Gue̍h-niû Siōng Tsai-iánn
陳芬蘭Tân Hun-lân
——————————————
你對伊抱純情
lí tuì i phō sûn-tsîng
怎樣毋對伊表明
tsuánn-iūnn m̄ tuì i piáu-bîng
若有希望著正經
nā ū hi-bāng tio̍h tsìng-king
叫阮幫忙包會成
kiò gún pang-bâng pau ē sîng
月娘也在天邊
ge̍h-niû iā tsāi thinn-pinn
知真明白
tsai tsin bîng-pi̍k
知真明白
tsai tsin bîng-pi̍k
嗯~免驚阮會佮你競爭
ngh~ bián-kiann gún ē kah lí kīng-tsing
應該著知影我
ìng-kai tio̍h tsai-iánn guá
對你真同情
tuì lí tsin tông-tsîng
你毋通驚歹勢
lí m̄-thang kiann pháinn-sè
伊有愛你無問題
i ū ài lí bô-būn-tê
彼日我去伊遐坐
hit ji̍t guá khì i hia tsē
伊講嫌你無坦白
i kóng hiâm lí bô thán-pe̍h
月娘也在天邊
ge̍h-niû iā tsāi thinn-pinn
聽真詳細
thiann tsin siông-sè
聽真詳細
thiann tsin siông-sè
嗯~毋通疑我對伊痴迷
ngh~ m̄-thang gî guá tuì i tshi-bê
請你著信賴
tshiánn lí tio̍h sìn-nāi
我所講的實話
guá sóo kóng ê si̍t-uē
恁兩个性真和
lín nn̄g-ê sìng tsin hô
怎樣對我騙講無
tsuánn-iūnn tuì guá phiàn kóng bô
彼暝恁去淡水河
hit mî lín khì Tām-tsuí-hô
談情說愛無風波
tâm-tsîng sueh-ài bô hong-pho
月娘也在天邊
ge̍h-niû iā tsāi thinn-pinn
看真清楚
khuànn tsin tshing-tshó
看真清楚
khuànn tsin tshing-tshó
嗯~阮袂食醋毋免煩惱
ngh~ gún buē tsia̍h-tshòo m̄-bián huân-ló
希望你原諒我
hi-bāng lí guân-liōng guá
對你真囉嗦
tuì lí tsin lo-so
