懷念的船影
《懷念的船影》Huâi-liām ê Tsûn-iánn
陳芬蘭Tân Hun-lân
——————————————
碼頭邊憂悶雨
bé-thâu pinn iu-būn hōo
毛毛落規暝
mn̂g-mn̂g lo̍h kui-mî
火船螺又閣來
hué-tsûn-lê iū-koh lâi
引人心哀悲
ín lâng sim ai-pi
彼當時雙人
hit-tang-sî siang-lâng
踮在寂寞夜港邊
tiàm-tsāi tsi̍k-bo̍k iā-káng-pinn
看月娘
khuànn ge̍h-niû
互相提起將來的代誌
hōo-siong thê-khí tsiong-lâi ê tāi-tsì
現在來想起
hiān-tsāi lâi siūnn-khí
現在來想起
hiān-tsāi lâi siūnn-khí
加添心稀微
ka-thiam sim hi-bî
難忘的三支船柱
lân-bōng ê sann-ki tsûn-thiāu
彼隻火船影
hit tsiah hé-tsûn iánn
在港岸雙人來
tsāi káng-huānn siang-lâng lâi
纏綿情意甜
tînn-mî tsîng-ì tinn
明知伊是
bîng-tsai i sī
一个海上的男兒
tsi̍t-ê hái-siōng ê lâm-jî
為怎樣對伊鍾情
uī-tsuánn-iūnn tuì i tsiong-tsîng
怨嘆伊分離
uàn-thàn i hun-lî
為怎樣時常思念
uī-tsuánn-iūnn sî-siông su-liām
這个夜港邊
tsit-ê iā-káng-pinn
又閣來思念
iū-koh lâi su-liām
又閣來思念
iū-koh lâi su-liām
彼日載伊去
hit-ji̍t tsài i khì
可恨的三支船柱
khó-hūn ê sann-ki tsûn-thiāu
彼隻火船影
hit tsiah hé-tsûn iánn
夜港面青紅燈
iā-káng bīn tshinn-âng-ting
茫茫像天星
bông-bông tshiūnn thinn-tshinn
陪伴阮表示著
puê-phuānn gún piáu-sī tio̍h
夜靜心空虛
iā tsīng sim khang-hi
若想起彼日
nā siūnn-khí hit-ji̍t
約束再會的日期
iok-sok tsài-huē ê ji̍t-kî
雖然是茫茫渺渺
sui-jiân sī bông-bông-biáu-biáu
難得相信伊
lân-tit siong-sìn i
總是在期待
tsóng-sī tsāi kî-thāi
總是在期待
tsóng-sī tsāi kî-thāi
港邊有看見
káng-pinn ū khuànn-kìnn
懷念的三支船柱
huâi-liām ê sann-ki tsûn-thiāu
彼隻火船影
hit tsiah hé-tsûn iánn
