愛過彼个人
《愛過彼个人》Ài Kuè Hit ê Lâng
陳思安Tân Su-an
——————————————
欲來離開遮的彼一工
beh lâi lī-khui tsia ê hit tsi̍t-kang
你無來相送
lí bô lâi sio-sàng
毋是我毋甘願
m̄-sī guá m̄ kam-guān
是我毋甘來放
sī guá m̄-kam lâi pàng
厝內滿滿的記持
tshù-lāi muá-muá ê kì-tî
叫我欲按怎款
kiò guá beh án-tsuánn khuán
一跤皮箱空空
tsi̍t-kha phuê-siunn khang-khang
心真沉重
sim tsin tîm-tāng
你是我愛過彼个人
lí sī guá ài–kuè hit ê lâng
哪會傷我傷遮爾重
ná ē siong guá siong tsiah-nī tāng
情花欉予無情人
tsîng-hue-tsâng hōo bô-tsîng-lâng
白白蹧躂佮戲弄
pe̍h-pe̍h tsau-that kah hì-lāng
你是我愛過彼个人
lí sī guá ài–kuè hit ê lâng
怎堪看你去愛別人
tsuánn kham khuànn lí khì ài pa̍t-lâng
等目屎已經流完
tán ba̍k-sái í-king lâu uân
心會好也袂完全
sim ē hó iā buē uân-tsuân
