愛你若性命
《愛你若性命》Ài Lí Ná Sènn-miā
陳隨意Tân Suî-ì
——————————————
回想往事夢一攤
huê-sióng óng-sū bāng tsi̍t-thuann
la-jí-ioh唱著傷情的歌
la-jí-ioh tshiùnn tio̍h siong-tsîng ê kua
一暝的秋雨滴滴答答
tsi̍t-mî ê tshiu-hōo tih-tih-tah-tah
無你的日子鹹酸苦汫
bô lí ê ji̍t-tsí kiâm-sng-khóo-tsiánn
迷失的船隻
bê-sit ê tsûn-tsiah
情海怎靠岸
tsîng-hái tsuánn khò-huānn
愛過才知疼
ài–kuè tsiah tsai thiànn
醉過才知驚
tsuì–kuè tsiah tsai kiann
心事只有海湧伊知影
sim-sū tsí-ū hái-íng i tsai-iánn
海水已經焦
hái-tsuí í-king ta
山盟變塗沙
san-bîng piàn thôo-sua
啊~枉費我愛你若性命
ah~ óng-huì guá ài lí ná sìnn-miā
