庄跤倯
《庄跤倯》Tsng-kha-sông
陳思安Tân Su-an
——————————————
雄雄一陣西北雨
hiông-hiông tsi̍t-tsūn sai-pak-hōo
害你淋甲澹糊糊
hāi lí lâm kah tâm-kôo-kôo
這是咱頭一擺相逢
tse sī lán thâu-tsi̍t-pái siong-hông
你看起來有影倯
lí khuànn–khí-lâi ū-iánn sông
阿黜阿黜真正戇
a-thuh a-thuh tsin-tsiànn gōng
頇顢模樣予人難忘
han-bān bôo-iūnn hōo-lâng lân-bōng
你的跤踏實地佮照顧
lí ê kha ta̍h si̍t-tē kah tsiàu-kòo
引阮踏入愛的路途
ín gún ta̍p-ji̍p ài ê lōo-tôo
兩人做陣
nn̄g-lâng tsuè-tīn
行過愛的風雨
kiânn kuè ài ê hong-hōo
做伙跳著愛的曼波
tsuè-hué thiàu tio̍h ài ê bàn-booh
我就是
guá tiō-sī
愛你的庄跤倯
ài lí ê tsng-kha sông
雖然你愛我
sui-jiân lí ài guá
攏毋敢講
lóng m̄-kánn kóng
但是你對阮的心
tān-sī lí tuì gún ê sim
我攏有囥咧心上
guá lóng ū khǹg-teh sim–siōng
你予阮滿滿的感動
lí hōo gún muá-muá ê kám-tōng
我就是愛你的庄跤倯
guá tiō-sī ài lí ê tsng-kha sông
雖然你情話攏袂曉講
sui-jiân lí tsîng-uē lóng buē-hiáu kóng
但是咱愛的力量
tān-sī lán ài ê li̍k-liōng
毋驚所有的艱苦
m̄-kiann sóo-ū ê kan-khóo
你是阮一生的幸福
lí sī gún it-sing ê hīng-hok
一生的快樂
it-sing ê khuài-lo̍k
