媠媠姑娘
《媠媠姑娘》Suí-suí Koo-niû
陳思安Tân Su-an
——————————————
一枝蠟燭火
tsi̍t-ki la̍h-tsik-hué
代表阮年歲
tāi-piáu gún nî-huè
祝家己Happy Birthday
tsiok ka-kī Happy Birthday
裙穿予短短
kûn tshīng hōo té-té
踏著懸搭鞋
ta̍h-tio̍h kuân-tah-ê
像一蕊當開的花
tshiūnn tsi̍t-luí tng khui ê hue
今夜的計畫
kim-iā ê kè-uē
就是免控制
tiō-sī bián khòng-tsè
展現出妖嬌美麗
tián-hiān tshut iau-kiau bí-lē
幾个好姊妹
kuí ê hó-tsí-muē
孤單小借過
koo-tuann sió tsioh-kuè
青春莫留下空白
tshing-tshun mài lâu-hā khàng-pe̍h
燒熱歌照唱
sio-jia̍t kua tsiàu tshiùnn
毋免啥理由
m̄-bián siánn lí-iû
緣份無需要強求
iân-hūn bô su-iàu kiông-kiû
一个人的生活真自由
tsi̍t-ê-lâng ê sing-ua̍h tsin tsū-iû
快樂一直陪踮身軀
khuài-lo̍k it-ti̍t puê tiàm sin-khu
甜甜這杯酒
tinn-tinn tsit pue tsiú
敬我的溫柔
kìng guá ê un-jiû
真心等一个永久
tsin-sim tán tsi̍t-ê íng-kiú
一个人的靈魂無憂愁
tsi̍t-ê-lâng ê lîng-hûn bô iu-tshiû
永遠是媠媠姑娘
íng-uán sī suí-suí koo-niû
