只有你是我永遠的難忘

《只有你是我永遠的難忘》Tsí-ū Lí Sī Guá Íng-uán ê Lân-bōng
陳芬蘭Tân Hun-lân
——————————————
窗外微微的風
thang-guā bî-bî ê hong
心內陣陣的波浪
sim-lāi tsūn-tsūn ê pho-lōng
一个人孤單的路上
tsi̍t-ê-lâng koo-tuann ê lōo-siōng
思念著你予我深深的印象
su-liām tio̍h lí hōo guá tshim-tshim ê ìn-siōng
經過遮濟年
king-kuè tsiah tsē nî
是毋是猶閣踮在故鄉
sī-m̄-sī iáu-koh tiàm-tsāi kòo-hiong
經過遮濟年
king-kuè tsiah tsē nî
是毋是對我會當體諒
sī-m̄-sī tuì guá ē-tàng thé-liōng
經過遮濟年
king-kuè tsiah tsē nî
是毋是已經揣著對象
sī-m̄-sī í-king tshē-tio̍h tuì-siōng
經過遮濟年
king-kuè tsiah tsē nî
予我永遠的難忘
hōo guá íng-uán ê lân-bōng
猶原微微的風
iu-guân bî-bî ê hong
猶原孤單的路上
iu-guân koo-tuann ê lōo-siōng
遮濟年日子也滄桑
tsiah tsē nî ji̍t-tsí iā tshong-song
只有是你予我永遠的難忘
tsí-ū sī lí hōo guá íng-uán ê lân-bōng

You may also like...

Skip to toolbar