童謠
《童謠》Tông-iâu
陳明章Tân Bîng-tsiong
——————————————
一的炒米芳
it–ê tshá bí-phang
二的炒韭菜
jī–ê tshá kú-tshài
三的沖沖滾
sann–ê tshiâng-tshiâng-kún
四的炒米粉
sì–ê tshá bí-hún
五的分蝦米
gōo–ê pun hê-bí
六的做官
la̍k–ê tsuè-kuann
七的分一半
tshit–ê pun tsi̍t-puànn
八的倒咧躽
peh–ê tó leh nuà
九的徛咧看
káu–ê khiā leh khuànn
十的?爛爛
tsa̍p–ê kûn nuā-nuā
十一的火燒山
tsa̍p-it–ê hué-sio-suann
十二的蚵仔炒麵線
tsa̍p-jī–ê ô-á tshá mī-suànn
土地公啊拍毋見鴨
Thóo-tī-kong–ah phàng-kìnn ah
你欲講抑毋講
lí beh kóng ia̍h m̄-kóng
毋講
m̄-kóng
拍甲講
phah kah kóng
↓↓—(口白)—↓↓
你是欲講抑毋講
lí sī beh kóng ia̍h m̄-kóng
毋講我拍甲你講
m̄-kóng guá phah kah lí kóng
你拍袂著啦
lí phah bē tio̍h–lah
你是欲講抑毋講
lí sī beh kóng ia̍h m̄-kóng
毋講我摃甲你講
m̄-kóng-guá kòng kah lí kóng
你摃袂著啦
lí kòng bē tio̍h–lah
我毋講啊我毋講
guá m̄-kóng–ah guá m̄-kóng
毋講毋講毋講啦
m̄-kóng m̄-kóng m̄-kóng–lah
↑↑—(口白)—↑↑
