海翁
《海翁》Hái-ang
陳明章 Tân Bîng-tsiong
——————————————
你講你按花蓮來
lí kóng lí àn Hua-lian–lâi
蹛著七彩的大理石來送阮
tuà tio̍h tshit-tshái ê tāi-lí-tsio̍h lâi sàng gún
頂頭寫著你對阮的感情
tíng-thâu siá tio̍h lí tuì gún ê kám-tsîng
佮著真濟太平洋的故事
kah tio̍h tsin tsuē Thài-pîng-iûnn ê kòo-sū
聽人講最近外海有海翁來
thiann lâng kóng tsuè-kīn guā-hái ū hái-ang lâi
酒醉的阿媽講
tsiú-tsuì ê a-má kóng
你哪會遮爾久無倒轉來
lí ná ē tsiah-nī kú bô tò-tńg–lâi
海鳥踅過半爿的太平洋
hái-tsiáu se̍h kuè puànn-pîng ê Thài-pîng-iûnn
問著漁船仔
mn̄g tio̍h hî-tsûn-á
烏潮哪無送你倒轉來
oo-tiâu ná bô sàng lí tò-tńg–lâi
是毋是你已經
sī-m̄-sī lí í-king
袂記得咱的誓言
bē-kì-eh lán ê sè-giân
花東海岸的石頭仔
Hua-Tang hái-huānn ê tsio̍h-thâu-á
講著對你的思戀
kóng tio̍h tuì lí ê su-luân
鴟鴞佇咧樹尾頂
bā-hio̍h tī-leh tshiū-bué tíng
唱著想你的歌
tshiùnn tio̍h siūnn lí ê kua
蘭嶼的飛魚
Lân-sū ê pue-hî
逐工跳起來等你
ta̍k-kang thiàu khí-lâi tán lí
想你想你
siūnn lí, siūnn lí
按太麻里到蘇澳的猴山仔
àn Thài-mâ-lí kàu Soo-ò ê kâu-san–á
攏佇咧等你
lóng tī-leh tán lí
i ia hoo hai ia
i ia hoo hai ia
i ia hoo hai ia
i ia hoo hai ia
