下晡的一齣戲
《下晡的一齣戲》Ē-poo ê Tsi̍t Tshut Hì
陳明章 Tân Bîng-tsiong
—————————————–
天色漸漸暗落來
thinn-sik tsiām-tsiām àm–lo̍h-lâi
烏雲你是按佗來
oo-hûn lí sī àn toh lâi
這个熱天的下晡
tsit-ê jua̍h-thinn ê ē-poo
煞來落著一陣的毛毛仔雨
suah lâi lo̍h tio̍h tsi̍t-tsūn ê mn̂g-mn̂g-á hōo
踏著恬恬的街路
ta̍h tio̍h tiām-tiām ê kue-lōo
雨哪會變做遮爾粗
hōo ná ē piàn-tsuè tsiah-nī tshoo
雨水拍佇布篷頂
hōo-tsuí phah tī pòo-phâng tíng
看戲的阿伯仔煞攏走無
khuànn hì ê a-peh–á suah lóng tsáu bô
下晡的陳三五娘
ē-poo ê Tân-sann-Gōo-niû
看戲的人攏無
khuànn hì ê lâng lóng bô
看戲的人攏無
khuànn hì ê lâng lóng bô
鑼鼓聲
lô-kóo-siann
聲聲起
siann-siann khí
慶團圓
khìng thuân-înn
台跤無一聲好
tâi-kha bô tsi̍t siann hó
台頂是攏全雨
tâi-tíng sī lóng tsuân hōo
