空戀夢
《空戀夢》Khang-luân-bāng
陳怡婷Tân Î-tîng
——————————————
一个人坐佇窗邊
tsi̍t-ê-lâng tsē tī thang-pinn
等你等到暗暝
tán lí tán-kàu àm-mî
吞落腹內的苦味
thun lo̍h pak-lāi ê khóo-bī
是目屎抑是咖啡
sī ba̍k-sái ia̍h-sī ka-pi
當初對阮的情意
tong-tshoo tuì gún ê tsîng-ì
講甲遐爾仔堅定
kóng kah hiah-nī-á kian-tīng
過去咱的記持
kuè-khì lán ê kì-tî
是夢是醒分袂清
sī bāng sī tshínn hun buē tshing
是你予阮愛的希望
sī lí hōo gún ài ê hi-bāng
閣將阮的心霸佔
koh tsiong gún ê sim pà-tsiàm
無顧一切
bô-kòo it-tshè
墜落情愛茫茫
tuī-lo̍h tsîng-ài bâng-bâng
怨嘆是一場空戀夢
uàn-thàn sī tsi̍t-tiûnn khang luân-bāng
是你予阮幸福美夢
sī lí hōo gún hīng-hok bí-bāng
才將阮青春奉送
tsiah tsiong gún tshing-tshun hōng-sàng
畏寒的手
uì-kuânn ê tshiú
等無你來相牽
tán bô lí lâi sio-khan
才知是一場空戀夢
tsiah tsai sī tsi̍t-tiûnn khang luân-bāng
