歡喜舞伴
《歡喜舞伴》Huann-hí Bú-phuānn
陳怡婷Tân Î-tîng
——————————————
今夜做你的舞伴
kim-iā tsuè lí ê bú-phuānn
你毋免來探聽我的名
lí m̄-bián lâi thàm-thiann guá ê miâ
探戈倫巴抑是恰恰
thàn-gòo lùn-bah ia̍h-sī tshiah-tshiah
逐項我攏毋驚
ta̍k hāng guá lóng m̄-kiann
煩惱暫時放予煞
huân-ló tsiām-sî pàng hōo suah
放予輕鬆
pàng hōo khin-sang
心情才快活
sim-tsîng tsiah khuìnn-ua̍h
趕緊綴著這音樂聲
kuánn-kín tuè tio̍h tse im-ga̍k-siann
一步一步做伙行
tsi̍t-pōo-tsi̍t-pōo tsuè-hué kiânn
鬥陣來踅踅踅
tàu-tīn lâi se̍h se̍h se̍h
心情放快活
sim-tsîng pàng khuìnn-ua̍h
跤步踏開免驚惶
kha-pōo ta̍h khui bián kiann-hiânn
迷人的音樂聲一段段
bê-lâng ê im-ga̍k-siann tsi̍t-tuānn-tuānn
今夜無人會孤單
kim-iā bô-lâng ē koo-tuann
鬥陣來踅踅踅
tàu-tīn lâi se̍h se̍h se̍h
跳出咱的歌
thiàu tshut lán ê kua
今夜毋管你是誰
kim-iā m̄-kuán lí sī siáng
揣一个人來做你的伴
tshuē tsi̍t-ê lâng lâi tsuè lí ê phuānn
歡喜咱就是上大
huann-hí lán tiō-sī siōng tuā
—
歡喜咱就是上大
huann-hí lán tiō-sī siōng tuā
今夜咱是歡喜舞伴
kim-iā lán sī huann-hí bú-phuānn
