愛情的滋味
《愛情的滋味》Ài-tsîng ê Tsu-bī
陳怡婷Tân Î-tîng
——————————————
春天的風
tshun-thinn ê hong
吹送著歌曲
tshue-sàng tio̍h kua-khik
輕輕搧動阮的心
khin-khin siàn-tāng gún ê sim
敢講愛情花
kám-kóng ài-tsîng hue
這陣當著時
tsit-tsūn tng-tio̍h-sî
鼻著撲鼻的芳味
phīnn-tio̍h phok-phīnn ê phang-bī
有真濟話含佇喙邊
ū tsin tsuē uē kâm tī tshuì-pinn
若拄著你
nā tú-tio̍h lí
就變大舌
tiō piàn tuā-tsi̍h
是阮頇顢
sī gún han-bān
抑是你刁故意
ia̍h-sī lí thiau-kòo-ì
攏無歡迎阮的暗示
lóng bô huan-gîng gún ê àm-sī
就是佮意你
tiō-sī kah-ì lí
天然的古錐
thian-jiân ê kóo-tsui
這款有意無意的酸甘甜
tsit khuán ū-ì bô-ì ê sng-kam-tinn
差一步
tsha tsi̍t-pōo
就欲有新的開始
tiō beh ū sin ê khai-sí
啊~啥物是
ah~ siánn-mih sī
愛情的滋味
ài-tsîng ê tsu-bī
有時甜甲親像蜜
ū sî tinn kah tshin-tshiūnn bi̍t
啊~啥物是愛情的滋味
ah~ siánn-mih sī ài-tsîng ê tsu-bī
我希望是一喙白滾水
guá hi-bāng sī tsi̍t-tshuì pe̍h-kún-tsuí
啥物是愛情的滋味
siánn-mih sī ài-tsîng ê tsu-bī
冤家時啉著烏咖啡
uan-ke sî lim tio̍h oo-ka-pi
啊~啥物是愛情的滋味
ah~ siánn-mih sī ài-tsîng ê tsu-bī
只要勇敢共阮愛落去
tsí-iàu ióng-kám kā gún ài–lo̍h-khì
—
啊~啥物是愛情的滋味
ah~ siánn-mih sī ài-tsîng ê tsu-bī
你是毋是阮的彼个伊
lí sī-m̄-sī gún ê hit ê i
