到遮為止
《到遮為止》Kàu Tsia Uî-tsí
陳怡婷Tân Î-tîng
——————————————
這段心疼
tsit tuānn sim-thiànn
只有到遮為止
tsí-ū kàu tsia uî-tsí
秋風你毋通吹
tshiu-hong lí m̄-thang tshue
加添阮的稀微
ka-thiam gún ê hi-bî
這段愛恨
tsit tuānn ài-hūn
上好到遮就停
siōng-hó kàu tsia tiō thîng
紛紛的落葉
hun-hun ê lo̍h-hio̍h
毋免哀啼
m̄-bián ai-thî
從今以後分開行
tsiông-kim í-āu hun-khui kiânn
有緣無份欲算啥
ū-iân bô-hūn beh sǹg siánn
所有的山盟咒誓
sóo-ū ê san-bîng tsiù-tsuā
只賰毋願咧拖磨
tsí tshun m̄-guān teh thua-buâ
無需要閣再哭出聲
bô su-iàu koh-tsài khàu tshut-siann
勇敢是阮的形影
ióng-kám sī gún ê hîng-iánn
何必恬恬
hô-pit tiām-tiām
來唱著傷心的歌
lâi tshiùnn tio̍h siong-sim ê kua
