命中註定你一个
《命中註定你一个》Miā-tiong Tsù-tiānn Lí Tsi̍t-ê
陳怡婷Tân Î-tîng
——————————————
時間是一場未完電影
sî-kan sī tsi̍t-tiûnn bī-uân tiān-iánn
劇情斬袂斷前世牽掛
kio̍k-tsîng tsám buē tn̄g tsîng-sè khian-kuà
落幕彼首主題歌
lo̍h-bōo hit siú tsú-tê-kua
叫命中註定
kiò miā-tiong tsù-tiānn
為何愈聽愈孤單
uī-hô jú thiann jú koo-tuann
聲聲鑽心肝
siann-siann tsǹg sim-kuann
無名的緣份
bô-miâ ê iân-hūn
早就斷線
tsá tiō tn̄g-suànn
誓言欠一半
sè-giân khiàm tsi̍t-puànn
情揣無岸
tsîng tshuē-bô huānn
緣淺情深想挽回
iân tshián tsîng tshim siūnn bán-huê
是機會反背
sī ki-huē huán-puē
錯過命運選擇的輪迴
tshò-kuè miā-ūn suán-ti̍k ê lûn-huê
重新來一回
tiông-sin lâi tsi̍t-huê
心為你飛啊飛
sim uī lí pue–ah pue
無助的心墜落地
bû-tsōo ê sim tuī-lo̍h tē
心四界揣啊揣
sim sì-kè tshuē–ah tshuē
甘願為你冷風吹
kam-guān uī lí líng-hong tshue
日出過一暝
ji̍t-tshut kuè tsi̍t-mê
揣你行蹤伴星月
tshuē lí hîng-tsong phuānn tshinn gue̍h
艱苦有偌濟
kan-khóo ū guā-tsuē
永遠袂後悔
íng-uán buē hiō-hué
心為你飛啊飛
sim uī lí pue–ah pue
感受有你的天地
kám-siū ū lí ê thinn-tē
心四界揣啊揣
sim sì-kè tshuē–ah tshuē
命中註定你一个
miā-tiong tsù-tiānn lí tsi̍t-ê
心內一句話
sim-lāi tsi̍t-kù uē
今世今生袂改變
kim-sè kim-sing buē kái-piàn
人海中等待你出現
jîn-hái tiong tán-thāi lí tshut-hiān
雙雁飛
siang-gān pue
一生愛你澈底
it-sing ài lí thiat-té
