若是聽人講
《若是聽人講》Nā-sī Thiann Lâng Kóng
陳亞蘭Tân A-lân
——————————————
若是聽講
nā-sī thiann-kóng
緣份欲離開
iân-hūn beh lī-khui
阮的心就恬恬咧憂悶
gún ê sim tiō tiām-tiām teh iu-būn
想起咱彼陣的彼段情
siūnn-khí lán hit-tsūn ê hit tuānn tsîng
若是聽講
nā-sī thiann-kóng
愛人若決心
ài-jîn nā kuat-sim
欲佮你來離
beh kah lí lâi lī
你若有才調袂傷悲
lí nā ū tsâi-tiāu buē siong-pi
好好來送阮來離開
hó-hó lâi sàng gún lâi lī-khui
若是聽講
nā-sī thiann-kóng
愛人欲離開
ài-jîn beh lī-khui
你著毋通來哭規暝
lí tio̍h m̄-thang lâi khàu kui-mî
怨嘆伊無帶念你的心
uàn-thàn i bô tài-liām lí ê sim
若是聽講
nā-sī thiann-kóng
世間的感情
sè-kan ê kám-tsîng
煞無一个真
suah bô tsi̍t-ê tsin
你嘛毋免太過傷心
lí mā m̄-bián thài-kuè siong-sim
這世人無欲閣講感情
tsit-sì-lâng bô beh koh kóng kám-tsîng
啊~失戀的心情
ah~ sit-luân ê sim-tsîng
失戀的過去
sit-luân ê kuè-khì
我嘛看攏袂清
guá mā khuànn lóng buē tshing
愛情的痛苦
ài-tsîng ê thòng-khóo
阮猶原有夢見
gún iu-guân ū bāng-kìnn
心肝一陣陣冷
sim-kuann tsi̍t-tsūn-tsūn líng
啊~失戀的心情
ah~ sit-luân ê sim-tsîng
失戀的過去
sit-luân ê kuè-khì
你愛看予伊明
lí ài khuànn hōo i bîng
請你著聽我講
tshiánn lí tio̍h thiann guá kóng
啊~千萬毋通來傷害自己
ah~ tshian-bān m̄-thang lâi siong-hāi tsū-kí
