粉鳥工場
《粉鳥工場》Hún-tsiáu Kang-tiûnn
陳昇Tân Sing
新寶島康樂隊 Sin Pó-tó Khong-lo̍k-tuī
——————————————
月光微微的新店溪
ge̍h-kng bî-bî ê Sin-tiàm-khue
溪岸攏是戀愛花
khue-huānn lóng-sī luân-ài hue
彎彎流過阮少年的美夢
uan-uan lâu kuè gún siàu-liân ê bí-bāng
公館站前的小山崙
Kong-kuán-tsām tsîng ê sió suann-lūn
山跤彼个小小門仔內
suann-kha hit ê sió-sió mn̂g-á lāi
大道兩爿的椰子花
tuā-tō nn̄g-pîng ê iâ-tsí-hue
聽人講
thiann lâng kóng
?人攏佇遐出現
gâu-lâng lóng tī hia tshut-hiān
阮感覺
gún kám-kak
是一个粉鳥工場
sī tsi̍t-ê hún-tsiáu kang-tiûnn
明明是粉鳥
bîng-bîng sī hún-tsiáu
伊講伊是鴟鴞
i kóng i sī bā-hio̍h
這款的代誌想來真笑詼
tsit khuán ê tāi-tsì siūnn–lâi tsin tshiò-khue
↓↓—(客語)—↓↓
無才華个人去唸戇書
mǒ cǎi fǎ ge ngǐn hi ngiam ngong sú
有才華个人去掌牛
iú cǎi fǎ ge ngǐn hi zòng ngiǔ
無才華个人去做官
mǒ cǎi fǎ ge ngǐn hi zo gón
有才華个人去起大樓
iú cǎi fǎ ge ngǐn hi hì tai lěu
↑↑—(客語)—↑↑
唸歌的人你真大膽
liām-kua ê lâng lí tsin tuā-tánn
人講書中必有黃金厝
lâng kóng su-tiong pit iú n̂g-kim-tshù
你毋知影我的本領
lí m̄ tsai-iánn guá ê pún-líng
我萬項攏愛拚第一名
guá bān-hāng lóng ài piànn tē-it-miâ
粉鳥啊粉鳥啊
hún-tsiáu–ah hún-tsiáu–ah
你敢有咧聽
lí kám ū teh thiann
彼間工場
hit king kang-tiûnn
誤咱的性命
gōo lán ê sènn-miā
粉鳥啊粉鳥啊
hún-tsiáu–ah hún-tsiáu–ah
你哪會快活
lí ná ē khuìnn-ua̍h
你敢袂放予輕鬆
lí kám buē pàng hōo khin-sang
來唸歌
lâi liām-kua
月光微微的太平洋
ge̍h-kng bî-bî ê Thài-pîng-iûnn
海上攏是苦戀花
hái-siōng lóng-sī khóo-luân-hue
雄雄流過
hiông-hiông lâu kuè
阮少年的美夢
gún siàu-liân ê bí-bāng
夢中的愛人仔伊去佗位
bāng-tiong ê ài-jîn-á i khì tó-uī
彼時咱所愛的彼个寶島
hit-sî lán sóo-ài ê hit ê pó-tó
如今傷心珠淚流無停
jû-kim siong-sim tsu-luī lâu bô thîng
聽人講
thiann lâng kóng
?人攏佇咧捙拚
gâu-lâng lóng tī-leh tshia-piànn
也毋是鴟鴞
iā m̄-sī bā-hio̍h
嘛毋是斑鴿
mā m̄-sī pan-kah
明明是粉鳥工場
bîng-bîng sī hún-tsiáu kang-tiûnn
叫伊做鴟鴞
kiò i tsuè bā-hio̍h
這款的代誌
tsit khuán ê tāi-tsì
想來真好笑
siūnn–lâi tsin hó-tshiò
無才華的人去讀戇書
bô tsâi-huâ ê lâng khì tha̍k gōng su
有才華的人去剃頭毛
ū tsâi-huâ ê lâng khì thì thâu-mn̂g
無才華的人去攑筆
bô tsâi-huâ ê lâng khì gia̍h pit
有才華的人落田去作穡
ū tsâi-huâ ê lâng lo̍h-tshân khì tsoh-sit
唸歌的人你真大膽
liām-kua ê lâng lí tsin tuā-tánn
地球若紡袂振動
tē-kiû nā pháng buē tín-tāng
責任啥人擔
tsik-jīm siánn-lâng tann
你敢毋知影鴟鴞的本領
lí kám m̄ tsai-iánn bā-hio̍h ê pún-niá
拚到遛皮
piànn kàu liù-phuê
嘛愛世界第一等
mā ài sè-kài tē-it-tíng
粉鳥啊粉鳥啊
hún-tsiáu–ah hún-tsiáu–ah
你敢有咧聽
lí kám ū teh thiann
空喙盤撋
khang-tshuì puânn-nuá
真無才華
tsin bô tsâi-huâ
粉鳥啊粉鳥啊
hún-tsiáu–ah hún-tsiáu–ah
你敢有咧聽
lí kám ū teh thiann
放予伊輕鬆
pàng hōo i khin-sang
閣來唸歌
koh lâi liām-kua
