有情無份
《有情無份》Ū-tsîng Bô-hūn
陳凱欣Tân Khái-him
——————————————
你講想起伊
lí kóng siūnn-khí i
猶原一陣心酸
iu-guân tsi̍t-tsūn sim-sng
為怎樣彼當時
uī-tsuánn-iūnn hit-tong-sî
會為伊浪費青春
ē uī i lōng-huì tshing-tshun
深愛過的人
tshim ài–kuè ê lâng
欲按怎變生份
beh án-tsuánn piàn tshinn-hūn
你學袂曉
lí o̍h buē-hiáu
船過水無痕
tsûn kuè tsuí bô hûn
戀愛時上美麗
luân-ài sî siōng bí-lē
是兩人的單純
sī nn̄g-lâng ê tan-sûn
只要佮伊做伙
tsí-iàu kah i tsò-hué
心肝攏袂憂悶
sim-kuann lóng buē iu-būn
兩个人愛到心疼時陣
nn̄g-ê lâng ài kàu sim thiànn sî-tsūn
欲怪就怪恁有緣無份
beh kuài tiō kuài lín ū-iân bô-hūn
免怨嘆感情坎坷的命運
bián uàn-thàn kám-tsîng khám-khia̍t ê miā-ūn
情路好䆀誰攏講袂準
tsîng-lōo hó-bái siáng lóng kóng buē tsún
兩人愛到寂寞的時陣
nn̄g-lâng ài kàu tsi̍k-bo̍k ê sî-tsūn
講來講去是有緣無份
kóng-lâi kóng-khì sī ū-iân bô-hūn
免掛念心內滿腹的傷痕
bián kuà-liām sim-lāi muá-pak ê siong-hûn
