愛人下港人
《愛人下港人》Ài-jîn Ē-káng-lâng
陳亞蘭Tân A-lân
——————————————
愛人有時親像冤仇人
ài-jîn ū-sī tshin-tshiūnn uan-siû-lâng
兩句毋著
nn̄g-kù m̄-tio̍h
菜刀攑咧弄
tshài-to gia̍h leh lāng
愛甲遮爾悽慘
ài kah tsiah-nī tshi-tshám
欲煞也毋願
beh suah iā m̄-guān
好甲有時顧人怨
hó kah ū-sī kòo-lâng-uàn
愛人長途電話講三暗
ài-jîn tn̂g-tôo tiān-uē kóng sann-àm
七講八講攏是這幾項
tshit-kóng peh-kóng lóng-sī tsit kuí hāng
伊若口氣鬆鬆
i nā kháu-khì sang-sang
規暝亂亂夢
kui-mî luān-luān bāng
天光坐車去逐人
thinn kng tsē-tshia khì jiok lâng
愛人下港人
ài-jîn ē-káng-lâng
對阮情意重
tuì gún tsîng-ì tāng
總是思念
tsóng-sī su-liām
予阮目箍紅
hōo gún ba̍k-khoo âng
愛人下港人
ài-jîn ē-káng-lâng
燒酒啉袂茫
sio-tsiú lim buē bâng
有時兩人冤家
ū-sī nn̄g-lâng uan-ke
講甲離別
kóng kah lī-pia̍t
心會疼甲喝救人
sim ē thiànn kah huah-kiù-lâng
