愛予我知
《愛予我知》Ài Hōo Guá Tsai
陳凱欣Tân Khái-him
——————————————
一个人恬恬咧吼
tsi̍t-ê lâng tiām-tiām teh háu
為著無愛你的人困擾
uī-tio̍h bô-ài lí ê lâng khùn-jiáu
阮聽你慢慢投
gún thiann lí bān-bān tâu
哭出了後
khàu tshut liáu-āu
心會較透
sim ē khah thàu
看著你
khuànn-tio̍h lí
笑若敢咧哭
tshiò ná-kánn teh khàu
一定有快樂的代誌來到
it-tīng ū khuài-lo̍k ê tāi-tsì lâi-kàu
阮陪你做伙鬧
gún puê lí tsuè-hué nāu
大聲笑出
tuā-siann tshiò tshut
攏莫有煩惱
lóng mài ū fánnǎu
心疼你悲傷流的目屎
sim thiànn lí pi-siong lâu ê ba̍k-sái
有傷心的故事佮悲哀
ū siong-sim ê kòo-sū kah pi-ai
毋管是痛苦忍耐
m̄-kuán sī thòng-khóo jím-nāi
抑是最後釋懷
ia̍h-sī tsuè-āu sik-huâi
若有心事愛予我知
nā ū sim-sū ài hōo guá tsai
佮意你歡喜流的目屎
kah-ì lí huann-hí lâu ê ba̍k-sái
滿滿的感動佇阮心內
muá-muá ê kám-tōng tī gún sim-lāi
毋管是經過偌久的未來
m̄-kuán sī king-kuè guā kú ê bī-lâi
希望你一生
hi-bāng lí it-sing
過了清閒自在
kuè-liáu tshing-îng tsū-tsāi
