寶島戀歌
《寶島戀歌》Pó-tó Luân-kua
陳昇Tân Sing
新寶島康樂隊 Sin Pó-tó Khong-lo̍k-tuī
——————————————
咱寶島的風水真正有名
lán pó-tó ê hong-suí tsin-tsiànn ū-miâ
全世界攏知影美麗福爾摩莎
tsuân sè-kài lóng tsai-iánn bí-lē Hoo-lú-móo-sah
王梨佮弓蕉四季生甲滿山坪
ông-lâi kah kin-tsio sù-kuì senn kah muá-suann-phiânn
乞食也駛車街仔路趁食
khit-tsia̍h iā sái-tshia ke-á-lōo thàn-tsia̍h
來跳赤赤咱的舞步當時行
lâi thiàu tshiah-tshiah lán ê bú-pōo tng sî-kiânn
毋管伊註死落落來的飛彈
m̄-kuán i tsù-sí lak–lo̍h-lâi ê hui-tuânn
酒著愛啉喝拳會贏
tsiú tio̍h-ài lim huah-kûn ē iânn
酒醉才相招來旅社
tsiú-tsuì tsiah sio-tsio lâi lú-siā
姑娘仔你毋免驚
koo-niû-á lí m̄-bián kiann
小百姓的仙頭仔是誠濟
sió-peh-sìnn ê sián-thâu–á sī tsiânn tsuē
錯過了今夜你一定後悔
tshò kuè-liáu kim-iā lí it-tīng hiō-hué
咱寶島的姑娘仔真正趣味
lán pó-tó ê koo-niû-á tsin-tsiànn tshù-bī
新臺票若捎咧就袂記得咱的名
sin-tâi-phiò nā sa–leh tō buē-kì-leh lán ê miâ
親像是咱飼的大官
tshin-tshiūnn sī lán tshī ê tuā-kuann
逐工攏咧臭彈
ta̍k-kang lóng leh tshàu-tuānn
出代誌
tshut-tāi-tsì
像虼蚻走甲無半隻
tshiūnn ka-tsuah kah bô puànn tsiah
來跳赤赤咱的舞步當時行
lâi thiàu tshiah-tshiah lán ê bú-pōo tng sî-kiânn
毋管伊奸商害死的有幾个
m̄-kuán i kan-siong hāi-sí–ê ū kuí ê
唱著阮風流的歌
tshiùnn tio̍h gún hong-liû ê kua
天光才相招來拍高爾夫
thinn-kng tsiah sio-tsio lâi phah goo-lú-huh
歐吉桑你毋免驚
oo-jí-sáng lí m̄-bián kiann
阮的命攏寄付咧公賣局
gún ê miā lóng kià-hù leh Kong-buē-kio̍k
一攤袂爽閣再紲一攤
tsi̍t-thuann buē sóng koh-tsài suà tsi̍t-thuann
姑娘仔你毋免驚
koo-niû-á lí m̄-bián kiann
小百姓的簽單攏寄佇咧壁
sió peh-sìnn ê tshiam-tuann lóng kià tī-leh piah
貪婪的寶島全世界有名
tham-lâm ê pó-tó tsuân sè-kài ū-miâ
