媽媽較大天
《媽媽較大天》Má-mah Khah Tuā Thinn
陳夏蓮Tân Hā-liân
——————————————
↓↓—(母親，前曲)—↓↓
目睭趕緊瞌瞌
ba̍k-tsiu kuánn-kín kheh-kheh
我的心肝囝
guá ê sim-kuann-kiánn
毋管透風落雨
m̄-kuán thàu-hong lo̍h-hōo
你攏毋免驚
lí lóng m̄-bián kiann
輕輕抱著你啊
khin-khin phō tio̍h lí–ah
唱歌予你聽
tshiùnn-kua hōo lí thiann
嗯~嗯~我的心肝囝
ngh~ngh~ guá ê sim-kuann- kiánn
↑↑—(母親，前曲)—↑↑
又閣是落雨的暗暝
iū-koh sī lo̍h-hōo ê àm-mî
雨聲吵甲睏袂去
hōo siann tshá kah khùn buē-khì
予我想起囡仔時
hōo guá siūnn-khí gín-á sî
媽媽攏會攬阮咧身邊
má-mah lóng ē lám gún teh sin-pinn
離開故鄉遮濟年
lī-khui kòo-hiong tsiah tsuē nî
媽媽我真想你
má-mah guá tsin siūnn lí
請你原諒不孝兒
tshiánn lí guân-liōng put-hàu-jî
我會早日轉去你身邊
guá ē tsá-ji̍t tńg-khì lí sin-pinn
媽媽
má-mah
你的恩情較大天
lí ê un-tsîng khah tuā thinn
想欲報答
siūnn-beh pò-tap
又閣毋知欲如何做起
iū-koh m̄-tsai beh jû-hô tsuè khí
媽媽
má-mah
你的恩情較大天
lí ê un-tsîng khah tuā thinn
媽媽
má-mah
我會永遠有孝你
guá ē íng-uán iú-hàu lí
—
↓↓—(口白)—↓↓
媽
mah
我佇遮過了真好
guá tī tsia kuè-liáu tsin hó
你嘛愛好好仔照顧你家己喔
lí mā ài hó-hó tsiàu-kòo lí ka-kī–ooh
↑↑—(口白)—↑↑
