天光
《天光》Thinn Kng
陳祈信Tân Kî-sìn
——————————————
最烏暗彼段暗暝
tsuè oo-àm hit tuānn àm-mî
若無堅持
nā bô kian-tshî
若有日出太陽的光輝
nā ū ji̍t-tshut thài-iông ê kong-hui
若無面對人生風雨波浪
nā bô bīn-tuì jîn-sing hong-hōo pho-lōng
怎會有美麗的彩虹
tsuánn ē ū bí-lē ê tshái-hông
我的世界
guá ê sè-kài
雖然無點燈火
sui-jiân bô tiám ting-hué
人情冷暖
jîn-tsîng líng-luán
看比啥人較明
khuànn pí siánn-lâng khah bîng
世間無永遠的公平
sè-kan bô íng-uán ê kong-pîng
也無啥人值得著同情
iā bô siánn-lâng ta̍t-tit tio̍h tông-tsîng
我欲向天講
guá beh hiòng thinn kóng
我毋認輸
guá m̄ jīn-su
向命運討回我的所有
hiòng miā-ūn thó-huê guá ê sóo-ū
天若光
thinn nā kng
日頭漸漸起
ji̍t-thâu tsiām-tsiām khí
堅定目標毋放棄
kian-tīng bo̍k-piau m̄ hòng-khì
我欲向天講
guá beh hiòng thinn kóng
我毋認輸
guá m̄ jīn-su
提出信心得著勝利
the̍h tshut sìn-sim tit-tio̍h sìng-lī
天若光日頭漸漸起
thinn nā kng ji̍t-thâu tsiām-tsiām khí
堅定目標拚人生
kian-tīng bo̍k-piau piànn jîn-sing
徛踮我舞臺頂
khiā tiàm guá bú-tâi tíng
