請你毋通天天醉
《請你毋通天天醉》Tshiánn Lí M̄-thang Thian-thian Tsuì
陳芬蘭Tân Hun-lân
董英明Táng Ing-bîng
——————————————
女)
像你這款燒酒鬼
tshiūnn lí tsit khuán sio-tsiú-kuí
歡喜踮在酒場亂揮
huann-hí tiàm-tsāi tsiú-tiûnn luān hui
瞞騙某囝無錢歸
muâ-phiàn bóo-kiánn bô tsînn kui
踮在外口天天醉
tiàm-tsāi guā-kháu thian-thian tsuì
天天醉
thian-thian tsuì
三更半暝
sann-kinn-puànn-mî
大醉回歸
tāi-tsuì huê-kui
對我只有
tuì guá tsí-ū
時常用喙媠
sî-siông iōng tshuì suí
自導自演亂出喙
tsū-tō tsū-ián luān tshut-tshuì
講bàng-gah畫山水
kóng bàng-gah uē san-suí
練戇話一大堆
liān-gōng-uē tsi̍t-tuā-tui
男)
毋通按呢烏白講
m̄-thang án-ne oo-pe̍h kóng
你的翁婿踮在外頭
lí ê ang-sài tiàm-tsāi guā-thâu
為著生活咧奔跑
uī-tio̍h sing-ua̍h teh phun-pháu
請你毋通亂亂吵
tshiánn lí m̄-thang luān-luān tshá
亂亂吵
luān-luān tshá
雖然踮在酒場啉酒
sui-jiân tiàm-tsāi tsiú-tiûnn lim-tsiú
實在就是生理的外交
si̍t-tsāi tō-sī sing-lí ê guā-kau
毋通對我開大炮
m̄-thang tuì guá khui tuā-phàu
相信我有一日
siong-sìn guá ū-tsi̍t-ji̍t
趁大錢入咱兜
thàn-tuā-tsînn ji̍p lán tau
女)
這款希望我真愛
tsit khuán hi-bāng guá tsin ài
你若實在
lí nā si̍t-tsāi
我願等待
guá guān tán-thāi
為咱囝孫的將來
uī lán kiánn-sun ê tsiong-lâi
趕緊回頭才應該
kuánn-kín huê-thâu tsiah ìng-kai
才應該
tsiah ìng-kai
男)
請你放心
tshiánn lí hòng-sim
毋通疑猜
m̄-thang gî-tshai
家庭代誌
ka-tîng tāi-tsì
信用我安排
sìn-iōng guá an-pâi
我是一定袂亂來
guá sī it-tīng buē luān-lâi
毋相信你看覓
m̄ siong-sìn lí khuànn-māi
可愛的好太太
khó-ài ê hó thài-thài
女)
勸你毋通閣啉酒
khǹg lí m̄-thang koh lim-tsiú
拍歹身體
phah-pháinn sin-thé
我會擔憂
guá ē tam-iu
為著愛情欲永久
uī-tio̍h ài-tsîng beh íng-kiú
才著束縛你自由
tsiah tio̍h sok-pa̍k lí tsū-iû
你自由
lí tsū-iû
男)
你的款勸
lí ê khuán-khǹg
我願接受
guá guān tsiap-siū
並且感謝我的好牽手
pīng-tshiánn kám-siā guá ê hó khan-tshiú
你的做法真優秀
lí ê tsuè-huat tsin iu-siù
咱兩人的將來
lán nn̄g-lâng ê tsiong-lâi
我相信免憂愁
guá siong-sìn bián iu-tshiû
合)
咱愛好好手牽手
lán ài hó-hó tshiú khan tshiú
合家快樂來享受
ha̍p-ka khuài-lo̍k lâi hiáng-siū
攏總爽爽來享受
lóng-tsóng sóng-sóng lâi hiáng-siū
