爸爸
《爸爸》Pa–pah
陳冠霖Tân Kuàn-lîm
——————————————
我上親愛的爸爸
guá siōng tshin-ài ê pa–pah
想欲閣叫你一聲阿爸
siūnn-beh koh kiò lí tsi̍t-siann a-pah
雖然你已經離開我
sui-jiân lí í-king lī-khui guá
毋過你的形影
m̄-koh lí ê hîng-iánn
永遠攏佇阮的心肝
íng-uán lóng tī gún ê sim-kuann
我上親愛的爸爸
guá siōng tshin-ài ê pa–pah
希望閣叫你一聲阿爸
hi-bāng koh kiò lí tsi̍t-siann a-pah
感謝你予我性命
kám-siā lí hōo guá sìnn-miā
一个溫暖的家
tsi̍t-ê un-luán ê ke
予我知影為啥拍拚
hōo guá tsai-iánn uī-siánn phah-piànn
千言萬語
tshian-giân-bān-gí
按怎講出我的感謝
án-tsuánn kóng-tshut guá ê kám-siā
一點一滴
tsi̍t-tiám tsi̍t-tih
永遠記在我的心肝
íng-uán kì tsāi guá ê sim-kuann
思思念念
su-su-liām-liām
你的形影
lí ê hîng-iánn
今生今世有你做伴
kim-sing kim-sè ū lí tsuè-phuānn
—
我上思念的爸爸
guá siōng su-liām ê pa–pah
最後閣叫你一聲阿爸
tsuè-āu koh kiò lí tsi̍t-siann a-pah
雖然你已經離開我
sui-jiân lí í-king lī-khui guá
我欲大聲來喝
guá beh tuā-siann lâi huah
我會為你得著好名聲
guá ē uī lí tit-tio̍h hó miâ-siann
↓↓—(口白)—↓↓
因為你是我上愛的爸爸
in-uī lí sī guá siōng ài ê pa–pah
↑↑—(口白)—↑↑
