咱無仝款
《咱無仝款》Lán Bô Kāng-khuán(譯唱 大壯《我們不一樣》)
陳維成 Tân Î-sîng
——————————————
遮爾濟年的兄弟
tsiah-nī tsuē nî ê hiann-tī
有啥人比我較了解你
ū siánn-lâng pí guá khah liáu-kái lí
太濟太濟無容易
thài tsuē thài tsuē bô iông-ī
磨平了歲月佮脾氣
buâ-pîng liáu suè-gua̍t kah phî-khì
時間轉眼就過去
sî-kan tsuán-gán tiō kuè-khì
這身後毋散的宴席
tse sin-āu m̄ suànn ê iàn-si̍k
只因為咱猶佇
tsí in-uī lán iáu tī
心留佇原地
sim lâu tī guân-tē
牚開手
thìnn khui tshiú
需要偌大的勇氣
su-iàu luā tuā ê ióng-khì
這片天
tsit phìnn thinn
你我鬥陣托予起去
lí guá tàu-tīn thuh hōo khí–khì
閣拍拚
koh phah-piànn
只為了
tsí uī liáu
咱攏想欲的明仔日
lán lóng siūnn beh ê bîn-á-ji̍t
好好的這份情
hó-hó ê tsit hūn tsîng
好好珍惜
hó-hó tin-sioh
咱攏無仝款
lán lóng bô kāng-khuán
每一个人攏有無仝的遭遇
muí tsi̍t-ê lâng lóng ū bô-kāng ê tso-gū
咱攏攏佇遮
lán lóng-lóng tī-tsia
佇遮咧等你
tī-tsia leh tán lí
咱攏無仝款
lán lóng bô kāng-khuán
雖然會經歷無仝的代誌
sui-jiân ē king-li̍k bô-kāng ê tāi-tsì
咱攏攏希望
lán lóng-lóng hi-bāng
來生會當相拄
lâi-sing ē-tàng sann-tú
