臺灣的店
《臺灣的店》Tâi-uân ê Tiàm
陳明章Tân Bîng-tsiong
葉樹茵 Ia̍p Sū-in
——————————————
歡喜來到遮欸
huann-hí lâi-kàu tsia–eh
咱臺灣的店
lán Tâi-uân ê tiàm
遮有芋仔冰仙草冰
tsia ū ōo-á-ping sian-tsháu-ping
粉圓冰佮愛玉冰欸
hún-înn-ping kah ài-gio̍k-ping–eh
遮有碗粿蚵仔煎
tsia ū uánn-kué ô-á-tsian
肉粽佮阮的夢欸
bah-tsàng kah gún ê bāng–eh
啊~鄉土的聲
ah~ hiong-thóo ê siann
佇阮心內幾十冬
tī gún sim-lāi kuí-tsa̍p tang
啊~鄉土的夢
ah~ hiong-thóo ê bāng
佇阮心內咧振動
tī gún sim-lāi teh tín-tāng
囡仔的夢是錢筒
gín-á ê bāng sī tsînn-tâng
身軀短短喙仔細細
sin-khu té-té tshuì-á sè-sè
儉著一箍阮歡喜
khiām tio̍h tsi̍t-khoo gún huann-hí
叮叮噹噹
tin-tin-tang-tang
叮叮噹噹幾若工
tin-tin-tang-tang kuí-lō kang
大漢時才知影
tuā-hàn-sî tsiah tsai-iánn
愈來愈需要好厝邊
jú lâi jú su-iàu hó tshù-pinn
啥物人會當
siánn-mih lâng ē-tàng
用一條索仔共阮牽
iōng tsi̍t-tiâu soh-á kā gún khan
牽阮入去永遠的避風港
khan gún ji̍p-khì íng-uán ê phiah-hong-káng
—
啊~鄉土的聲
ah~ hiong-thóo ê siann
佇阮心內幾十冬
tī gún sim-lāi kuí-tsa̍p tang
叮叮噹噹
tin-tin-tang-tang
叮叮噹噹幾若工
tin-tin-tang-tang kuí-lō kang
啊~鄉土的聲
ah~ hiong-thóo ê siann
佇阮心內幾十冬
tī gún sim-lāi kuí-tsa̍p tang
叮叮噹噹
tin-tin-tang-tang
叮叮噹噹幾若工
tin-tin-tang-tang kuí-lō kang
