浪花人生
《浪花人生》Lōng-hue Jîn-sing
陳百潭Tân Pik-thâm
——————————————
紅紅的夕陽沉落海底
âng-âng ê sik-iông tîm-lo̍h hái-té
天邊又浮出一輪明月
thinn-pinn iū phû-tshut tsi̍t-lûn bîng-gue̍h
日落月出
ji̍t lo̍h gue̍h tshut
起落輪流踅
khí-lo̍h lûn-liû se̍h
親像人生有輸贏
tshin-tshiūnn jîn-sing ū su-iânn
莫難過
mài lân-kuè
無海湧
bô hái-íng
哪有美麗的浪花
ná ū bí-lē ê lōng-hue
一蕊一蕊
tsi̍t-luí-tsi̍t-luí
是拍拚的心血
sī phah-piànn ê sim-hueh
大海喝聲
tuā-hái huah siann
一聲一聲
tsi̍t-siann-tsi̍t-siann
親像愛的鼓勵
tshin-tshiūnn ài ê kóo-lē
勸咱命運靠自己走揣
khǹg lán miā-ūn khò tsū-kí tsáu-tshuē
用心的人
iōng-sim ê lâng
才有成功的機會
tsiah ū sîng-kong ê ki-huē
