人生愛堅強
《人生愛堅強》Jîn-sing Ài Kian-kiông
陳百潭Tân Pik-thâm
——————————————
世間的變化無常
sè-kan ê piàn-huà bû-siông
歹按算
pháinn àn-sǹg
無法度測量
bô-huat-tōo tshik-liông
有時透風
ū-sî thàu-hong
大雨落遮雄
tuā-hōo lo̍h tsiah hiông
馬上又閣出太陽
má-siōng iū-koh tshut thài-iông
迷濛的人生著保重
bê-bông ê jîn-sing tio̍h pó-tiōng
拚前途
piànn tsiân-tôo
嘛愛來看方向
mā ài lâi khuànn hong-hiòng
毋通硬欲衝
m̄-thang ngē beh tshiong
攏無擋
lóng bô tòng
跋倒才知真傷重
pua̍h-tó tsiah tsai tsin siong-tiōng
傷心無路用
siong-sim bô-lōo-iōng
目屎藏心中
ba̍k-sái tshàng sim-tiong
人生本來著愛堅強
jîn-sing pún-lâi tio̍h-ài kian-kiông
