歌手
《歌手》Kua-tshiú
陳小雲Tân Sió-hûn
——————————————
穿著一領媠媠的禮服
tshīng tio̍h tsi̍t-niá suí-suí ê lé-ho̍k
徛踮在舞臺
khiā tiàm-tsāi bú-tâi
唱出著迷人的歌聲
tshiùnn-tshut tio̍h bê-lâng ê kua-siann
表情笑咍咍
piáu-tsîng tshiò-hai-hai
啊~阮的心肝內
ah~ gún ê sim-kuann-lāi
滿腹的悲哀
muá-pak ê pi-ai
委屈無人知
uí-khut bô-lâng tsai
暗暗來留著傷心的目屎
àm-àm lâi lâu tio̍h siong-sim ê ba̍k-sái
啊~親像阮的這款生活
ah~ tshin-tshiūnn gún ê tsit khuán sing-ua̍h
啥人會當了解
siánn-lâng ē-tàng liáu-kái
只有人客予阮的鼓勵關懷
tsí-ū lâng-kheh hōo gún ê kóo-lē kuan-huâi
予阮有一个期待
hōo gún ū tsi̍t-ê kî-thāi
希望成功早日來
hi-bāng sîng-kong tsá-ji̍t lâi
