高雄港戀夢
《高雄港戀夢》Ko-hiông-káng Luân-bāng
陳一郎Tân It-lông
——————————————
自從離開可愛高雄港
tsū-tsiông lī-khui khó-ài Ko-hiông-káng
無疑過三冬
bô-gî kuè sann-tang
船煙猶原白茫茫
tsûn-ian iu-guân pe̍h-bâng-bâng
加添思念你一人
ka-thiam su-liām lí tsi̍t-lâng
多情的行船人
to-tsîng ê kiânn-tsûn-lâng
多情的船入港
to-tsîng ê tsûn ji̍p-káng
全望今夜中秋暗
tsuân bāng kim-iā tiong-tshiu-àm
會得見著你一人
ē-tit kìnn-tio̍h lí tsi̍t-lâng
船隻已經
tsûn-tsiah í-king
轉來高雄港
tńg-lâi Ko-hiông-káng
看無你一人
khuànn-bô lí tsi̍t-lâng
全無帶念舊情夢
tsuân bô tài-liām kū tsîng-bāng
想著
siūnn tio̍h
強欲目箍紅
kiōng-bueh ba̍k-khoo âng
怎樣會等無人
tsuánn-iūnn ē tán bô-lâng
怎樣會一場空
tsuánn-iūnn ē tsi̍t-tiûnn khang
全望海風鬥幫忙
tsuân bāng hái-hong tàu-pang-bâng
揣著心愛你一人
tshuē-tio̍h sim-ài lí tsi̍t-lâng
毋甘離開故鄉高雄港
m̄-kam lī-khui kòo-hiong Ko-hiông-káng
含情來出帆
hâm-tsîng lâi tshut-phâng
昔日你無來相送
sik-ji̍t lí bô lâi sio-sàng
今日猶原是相仝
kim-ji̍t iu-guân sī sio-kāng
再會啦高雄夢
tsài-huē–lah Ko-hiông bāng
再會啦等三冬
tsài-huē–lah tán sann-tang
滿腹純情毋願放
muá-pak sûn-tsîng m̄-guān pàng
期待重逢高雄港
kî-thāi tiông-hông Ko-hiông-káng
