阿郎阿郎
《阿郎阿郎》A-lông A-lông
陳一郎 Tân It-lông
——————————————
安定生活人人愛
an-tīng sing-ua̍h lâng-lâng ài
毋通失想來做歹
m̄-thang sit-siūnn lâi tsuè-pháinn
何必怨歎運命歹
hô-pit uàn thàn ūn-miā pháinn
路是自己行出來
lōo sī tsū-kí kiânn tshut-lâi
你若有心事
lí nā ū sim-sū
無人通了解
bô-lâng thang liáu-kái
請你勇敢表明出來
tshiánn lí ióng-kám piáu-bîng tshut-lâi
毋通強忍
m̄-thang kiông lún
吞落腹肚內
thun lo̍h pak-tóo-lāi
社會人人
siā-huē lâng-lâng
毋是無血無目屎
m̄-sī bô hueh bô ba̍k-sái
阿母請你來諒解
a-bú tshiánn lí lâi liōng-kái
過去做錯
kuè-khì tsuè-tshò
是阮不該
sī gún put-kai
做人著愛自重自愛
tsuè-lâng tio̍h-ài tsū-tiōng tsū-ài
道理也已經了解
tō-lí iā í-king liáu-kái
