酒膽
《酒膽》Tsiú-tánn
陳一郎Tân It-lông
——————————————
一杯燒酒
tsi̍t-pue sio-tsiú
雄雄吞落喉
hiông-hiông thun lo̍h-âu
望心內鬱卒
bāng sim-lāi ut-tsut
全部敨
tsuân-pōo tháu
毋知是酒份
m̄-tsai sī tsiú-hūn
猶未達到九分九
iáu-bē ta̍t-kàu káu-hun-káu
顛倒來
tian-tò lâi
心事積牢牢
sim-sū tsik tiâu-tiâu
兩杯燒酒
nn̄g-pue sio-tsiú
繼續閣啉落
kè-sio̍k koh lim–lo̍h
兩爿的鬢邊
nn̄g-pîng ê pìn-pinn
疼淡薄
thiànn tām-po̍h
加強著酒份
ka-kiông tio̍h tsiú-hūn
希望會當醉予倒
hi-bāng ē-tàng tsuì hōo tó
從今後
tsiông kim-āu
煩惱攏齊無
huân-ló lóng tsiâu bô
啊~講啥物咒誓
ah~ kóng siánn-mih tsiù-tsuā
講啥物愛我
kóng siánn-mih ài guá
一切無較縒
it-tshè bô-khah-tsua̍h
啊~一旦欲變卦
ah~ it-tàn beh piàn-kuà
一旦欲僥心
it-tàn beh hiau-sim
道理遮大拖
lí-iû tsiah tuā-thua
一杯予焦
tsi̍t-pue hōo ta
酒膽幫助我
tsiú-tánn pang-tsōo guá
決心來
kuat-sim lâi
將你看破
tsiong lí khuànn-phuà
