酒女酒女
《酒女酒女》Tsiú-lú Tsiú-lú
陳一郎 Tân It-lông
——————————————
鼻著粉味心就凝
phīnn-tio̍h hún-bī sim tiō gîng
燒酒啉無停
sio-tsiú lim bô-thîng
做著酒女為環境
tsuè tio̍h tsiú-lú uī khuân-kíng
毋通講阮無正經
m̄-thang kóng gún bô-tsìng-king
酒女酒女
tsiú-lú tsiú-lú
你著毋通無心情
lí tio̍h m̄-thang bô-sim-tsîng
暗暗哭不幸
àm-àm khàu put-hīng
靠著自己的本等
khò-tio̍h tsū-kí ê pún-tíng
毋驚予人來批評
m̄-kiann hōo-lâng lâi phue-phîng
酒家門前青紅燈
tsiú-ka mn̂g-tsîng tshinn-âng-ting
照著阮胸前
tsiò-tio̍h gún hing-tsîng
想著爸母的叮嚀
siūnn-tio̍h pē-bú ê ting-lîng
叫阮趁錢愛端正
kiò gún thàn-tsînn ài tuan-tsìng
酒女酒女
tsiú-lú tsiú-lú
你有可愛的面形
lí ū khó-ài ê bīn-hîng
酒量勇閣猛
tsiú-liōng ióng koh bíng
雖然淪落煙花間
sui-jiân lûn-lo̍h ian-hua-king
總有一日見光明
tsóng ū-tsi̍t-ji̍t kiàn kong-bîng
三番走唱唱無停
sann-huan tsáu-tshiùnn tshiùnn bô thîng
小費三四千
sió-huì sann-sì tshing
五番人客有感情
gōo-huan lâng-kheh ū kám-tsîng
可惜已經有家庭
khó-sioh í-king ū ka-tîng
酒女酒女
tsiú-lú tsiú-lú
你若目屎滴胸前
lí nā ba̍k-sái tih hing-tsîng
哪有好前程
ná-ū hó tsiân-tîng
浸在燒酒的人生
tsìm tsāi sio-tsiú ê jîn-sing
聲聲無奈啥路用
siann-siann bô-nāi siánn lōo-īng
酒女酒女
tsiú-lú tsiú-lú
你若目屎滴胸前
lí nā ba̍k-sái tih hing-tsîng
哪有好前程
ná-ū hó tsiân-tîng
浸在燒酒的人生
tsìm tsāi sio-tsiú ê jîn-sing
聲聲無奈啥路用
siann-siann bô-nāi siánn lōo-īng
聲聲無奈啥路用
siann-siann bô-nāi siánn lōo-īng
