行船阿郎
《行船阿郎》Kiânn-tsûn A-lông
陳一郎Tân It-lông
——————————————
啥人願意了解我
siánn-lâng guān-ì liáu-kái guá
細漢在港口大
suè-hàn tsāi káng-kháu tuā
爸母兄弟照顧我
pē-bú hiann-tī tsiàu-kòo guá
討海掠魚度生活
thó-hái lia̍h-hî tōo sing-ua̍h
想著彼當時
siūnn-tio̍h hit-tong-sî
出帆的情景
tshut-phâng ê tsîng-kíng
行船啊海面拄風湧
kiânn-tsûn–ah hái-bīn tú hong-íng
每日來拍拚
muí-ji̍t lâi phah-piànn
毋驚風雨冷
m̄-kiann hong-hōo líng
期待將來好前程
kî-thāi tsiong-lâi hó tsiân-tîng
啊~期待將來好前程
ah~ kî-thāi tsiong-lâi hó tsiân-tîng
愛人仔願意關心我
ài-jîn-á guān-ì kuan-sim guá
體貼阮來出外
thé-thiap gún lâi tshut-guā
朋友兄弟照顧我
pîng-iú hiann-tī tsiàu-kòo guá
我愛成功予人看
guá ài sîng-kong hōo-lâng khuànn
毋通放袂記
m̄-thang pàng-buē-kì
漁村的情景
hî-tshun ê tsîng-kíng
毋通魚蝦無分明
m̄-thang hî hê bô hun-bîng
行船男兒心堅定
kiânn-tsûn lâm-jî sim kian-tīng
將來才有好前程
tsiong-lâi tsiah ū hó tsiân-tîng
啊~將來才有好前程
ah~ tsiong-lâi tsiah ū hó tsiân-tîng
