蚵仔煎
《蚵仔煎》Ô-á-tsian
陳有娜Tân Iú-ná
——————————————
落雨聲
lo̍h-hōo siann
滴滴答答
tih-tih-tap-tap
阮的心
gún ê sim
重重疊疊
tîng-tîng-tha̍h-tha̍h
我行來行去
guá kiânn lâi kiânn khì
踅來踅去心袂定
se̍h lâi se̍h khì sim buē tiānn
才知頭殼內
tsiah tsai thâu-khak lāi
想的攏是你啊
siūnn ê lóng-sī lí–ah
鬧熱的夜市仔
lāu-jia̍t ê iā-tshī-á
有彼擔好食的蚵仔煎
ū hit tann hó-tsia̍h ê ô-á-tsian
哈~台北的今夜
ha~ Tāi-pak ê kim-iā
無你來陪我
bô lí lâi puê guá
喔~ 懷念的蚵仔煎
ooh~ huâi-liām ê ô-á-tsian
有咱做伙的新鮮
ū lán tsuè-hué ê sin-sian
你伴阮快樂逍遙每一天
lí phuānn gún khuài-lo̍k siau-iâu měi yītiān
陪阮鬧陪阮笑
puê gún nāu puê gún tshiò
滿腹溫暖燒燒燒
muá-pak un-luán siő-sio-sio
望你將阮疼將阮惜
bāng lí tsiong gún thiànn tsiong gún sioh
