莫閣共我擋
《莫閣共我擋》Mài Koh Kā Guá Tòng
陳有娜Tân Iú-ná
——————————————
逐工追追追
ta̍k-kang tui tui tui
無論海角抑天邊
bô-lūn hái-kak ia̍h thinn-pinn
你聲聲句句問阮在哪裡
lí siann-siann-kù-kù mn̄g gún tsāi ná-lí
逐工催催催
ta̍k-kang tshui tshui tshui
催問訂婚手指
tshui mn̄g tīng-hun tshiú-tsí
啊~無人敢來搶你的位
ah~ bô-lâng kánn lâi tshiúnn lí ê uī
你奪命連環呼
lí tua̍t-miā liân-khuân khoo
前後綴牢牢
tsîng-āu tuè tiâu-tiâu
甲種體格嘛擋袂牢
kah-tsióng thé-keh mā tòng buē tiâu
踏著連環步
ta̍h tio̍h liân-khuân-pōo
想欲來落跑
siūnn-beh lâi làu-phâu
你一句心愛的莫走
lí tsi̍t-kù sim-ài–ê mài tsáu
請你莫閣共我擋
tshiánn lí mài koh kā guá tòng
莫閣共我擋
mài koh kā guá tòng
擋到最後會失控
tòng kàu tsuè-āu ē sit-khòng
請你莫閣共我擋
tshiánn lí mài koh kā guá tòng
莫閣共我擋
mài koh kā guá tòng
愛阮心臟著愛有夠強
ài gún sim-tsōng tio̍h-ài ū-kàu kiông
請你莫閣共我擋
tshiánn lí mài koh kā guá tòng
莫閣共我擋
mài koh kā guá tòng
擋到最後會反常
tòng kàu tsuè-āu ē huán-siông
請你莫閣共我擋
tshiánn lí mài koh kā guá tòng
莫閣共我擋
mài koh kā guá tòng
愛阮身體著愛有夠勇
ài gún sin-thé tio̍h-ài ū-kàu ióng
