故事
《故事》Kòo-sū
郭婷筠 KUEH TÎNG-ÛN
時間一分一秒咧過
sî-kan tsi̍t hun tsi̍t bió teh kuè
sî-kan tsi̍t hun tsi̍t bió teh kuè
青春流失不再回
tshing-tshun lâu-sit put-tsài huê
tshing-tshun lâu-sit put-tsài huê
人生親像一本冊
jîn-sing tshin-tshiūnn tsi̍t pún tsheh
jîn-sing tshin-tshiūnn tsi̍t pún tsheh
對頭寫甲尾
uì thâu siá kah bué
uì thâu siá kah bué
悲歡離合攏佇內底
pi-huan-lī-ha̍p lóng tī lāi-té
pi-huan-lī-ha̍p lóng tī lāi-té
落塗時是紅軟赤蠘
lo̍h-thôo sî sī âng-nńg-tshiah-tshe̍h(< tshi̍h)
lo̍h-thôo sî sī âng-nńg-tshiah-tshe̍h(< tshi̍h)
離開時是鬃鬚斑白
lī-khui sî sī tsang-tshiu-puann(< pan)-pe̍h
lī-khui sî sī tsang-tshiu-puann(< pan)-pe̍h
人生到底是啥貨
jîn-sing tàu-té sī siánn-huè
jîn-sing tàu-té sī siánn-huè
掀開彼本冊
hian khui hit pún tsheh
才知紅塵世事攏是過客
tsiah tsai âng-tîn sè-sū lóng-sī kuè-kheh
tsiah tsai âng-tîn sè-sū lóng-sī kuè-kheh
每一个人攏有一个故事
muí tsi̍t ê lâng lóng ū tsi̍t ê kòo-sū
muí tsi̍t ê lâng lóng ū tsi̍t ê kòo-sū
一段過程攏有一場風雨
tsi̍t tuānn kuè-tîng lóng ū tsi̍t tiûnn hong-ú
tsi̍t tuānn kuè-tîng lóng ū tsi̍t tiûnn hong-ú
人生的劇本
lîn-sing ê kio̍k-pún
lîn-sing ê kio̍k-pún
有甜也有酸
ū tinn iā ū sng
ū tinn iā ū sng
來來去去攏是緣份
lâi-lâi-khì-khì lóng sī iân-hūn
lâi-lâi-khì-khì lóng sī iân-hūn
每一个人攏有一个故事
muí tsi̍t ê lâng lóng ū tsi̍t ê kòo-sū
muí tsi̍t ê lâng lóng ū tsi̍t ê kòo-sū
好命歹命攏是隨人命運
hó-miā pháinn-miā lóng sī suî lâng miā-ūn
hó-miā pháinn-miā lóng sī suî lâng miā-ūn
相信有彼陣
siong-sìn ū hit-tsūn
siong-sìn ū hit-tsūn
撥開烏雲見日出
puah–khui oo-hûn kìnn li̍t-tshut
puah–khui oo-hûn kìnn li̍t-tshut
回頭笑看人生浮雲
huê-thâu tshiò khuànn lîn-sing phû-hûn
huê-thâu tshiò khuànn lîn-sing phû-hûn
