霧夜港邊
https://www.youtube.com/watch?v=043gzlb4QtI&fbclid=IwAR3PQB_2eQK-XsdBSJD9UBryr-0joVcqdy9lv1OUWujBZuWM7e_M66drTMM
《霧夜港邊》Bū-iā Káng-pinn
郭金發Kueh Kim-huat
文鳳Bûn-hōng
——————————————
男兒踮港口
lâm-jî tiàm káng-kháu
看對彼爿海
khuànn tuì hit-pîng hái
雙人說出甜蜜情話
siang-lâng sueh tshut tinn-bi̍t tsîng-uē
漸漸行對這爿來
tsiām-tsiām kiânn tuì tsit-pîng lâi
親像今夜罩雺霧
tshin-tshiūnn kim-iā tà bông-bū
彼時毋知東抑西
hit-sî m̄-tsai tang ia̍h sai
我雖然欲來去
guá sui-jiân beh lâi-khì
毋願心悲哀
m̄-guān sim pi-ai
毋通悲傷
m̄-thang pi-siong
心愛的
sim-ài–ê
我的心情你上知
guá ê sim-tsîng lí siōng tsai
咱初次來見面
lán tshoo-tshù lâi kìnn-bīn
猶原在港邊
iu-guân tsāi káng-pinn
雙人因何欲來分離
siang-lâng in-hô beh lâi hun-lî
偏偏也是月暗暝
phian-phian iā-sī ge̍h-àm-mî
海面船燈像天星
hái-bīn tsûn-ting tshiūnn thinn-tshinn
陪伴你我心稀微
puê-phuānn lí guá sim hi-bî
你毋通來袂記
lí m̄-thang lâi buē-kì
約束的日期
iok-sok ê ji̍t-kî
再三叮嚀心愛的
tsài-sann ting-lîng sim-ài–ê
你著帶念阮情義
lí tio̍h tài-liām gún tsîng-gī
咱今夜欲分開
lán kim-iā beh hun-khui
約束再相會
iok-sok tsài siong-huē
雙人惜別
siang-lâng sioh-pia̍t
傷心情話已經講盡
siong-sim tsîng-uē í-king kóng tsīn
頭犁犁
thâu luê-luê
海面波浪顯悲傷
hái-bīn pho-lōng hián pi-siong
怨嘆冷風一直吹
uàn-thàn líng-hong it-ti̍t tshue
咱互相著保重
lán hōo-siong tio̍h pó-tiōng
寂寞只幾月
tsi̍k-bo̍k tsí kuí ge̍h
最後叫聲心愛的
tsuè-āu kiò siann sim-ài–ê
你該早日開心花
lí kai tsá-ji̍t khui sim-hue
