酒場情話
https://www.youtube.com/watch?v=Ji-xG-E56S4&fbclid=IwAR3CRvJ3IGp5MVH-gu3LgWNYg9WMBa-Xsm2z8nS2UCm6XuLHvMZHa3_wEy0
《酒場情話》Tsiú-tiûnn Tsîng-uē
郭金發 Kueh Kim-huat
白櫻 Pe̍h Ing
——————————————
酒場內清清靜靜
tsiú tiûnn lāi tshing-tshing-tsīng-tsīng
只有咱兩人
tsí-ū lán nn̄g-lâng
講情話糖甘蜜甜
kóng tsîng-uē thn̂g-kam-bi̍t-tinn
快樂心茫茫
khuài-lo̍k sim bâng-bâng
自彼日你我見面
tsū hit-ji̍t lí guá kìnn-bīn
互相情意重
hōo-siong tsîng-ì tāng
咱今後暝日做陣
lán kim-āu mî-ji̍t tsuè-tīn
放捒心苦痛
pàng-sat sim khóo-thàng
可惜阮做著一个
khó-sioh gún tsuè tio̍h tsi̍t-ê
酒場小姑娘
tsiú-tiûnn sió-koo-niû
雖然阮思思念念
sui-jiân gún su-su-liām-liām
快樂心自由
khuài-lo̍k sim tsū-iû
阮總是受人束縛
gún tsóng-sī siū lâng sok-pa̍k
袂當照主張
bē-tàng tsiàu tsú-tiunn
有時來自暴自棄
ū-sî lâi tsū-pō tsū-khì
啉酒解憂愁
lim-tsiú kái iu-tshiû
希望你從今以後
hi-bāng lí tsiông-kim í-āu
心頭放予清
sim-thâu pàng hōo tshing
請你來信賴男兒
tshiánn lí lâi sìn-nāi lâm-jî
純情的愛情
sûn-tsîng ê ài-tsîng
我一定袂來放你
guá it-tīng buē lâi pàng lí
踮遮受不幸
tiàm tsia siū put-hīng
請等待我若成功
tshiánn tán-thāi guá nā sîng-kong
造成好家庭
tsō-sîng hó ka-tîng
自彼日離開了後
tsū hit-ji̍t lī-khui liáu-āu
已經一個月
í-king tsi̍t-kò-gue̍h
心愛的為著怎樣
sim-ài–ê uī-tio̍h tuánn-iūnn
攏無來相揣
lóng bô lâi sio-tshē
阮雖然想欲信賴
gún sui-jiân siūnn-beh sìn-nāi
你所講的話
lí sóo kóng ê uē
恐驚阮著愛看破
khióng-kiann gún tio̍h-ài khuànn-phuà
放捒心痴迷
pàng-sat sim tshi-bê
心愛的你為怎樣
sim-ài–ê lí uī tsuánn-iūnn
目屎澹目墘
ba̍k-sái tâm ba̍k-kînn
你遮久攏無消息
lí tsiah kú lóng bô siau-sit
為著啥代誌
uī-tio̍h siánn tāi-tsì
為著咱幸福將來
uī-tio̍h lán hīng-hok tsiong-lâi
出外求財利
tshut-guā kiû tsâi-lī
請原諒阮來誤會
tshiánn guân-liōng gún lâi gōo-huē
男性無情義
lâm-sìng bô tsîng-gī
兩个人再來見面
nn̄g-ê-lâng tsài lâi kìnn-bīn
更加糖蜜甜
kìng-ka thn̂g-bi̍t-tinn
閣再來講著情話
koh-tsài lâi kóng-tio̍h tsîng-uē
一講到半暝
tsi̍t kóng kàu puànn-mî
你看覓窗外月娘
lí khuànn-māi thang-guā ge̍h-niû
對咱笑微微
tuì lán tshiò-bî-bî
趁今夜咱來約束
thàn kim-iā lán lâi iok-sok
永遠毋分離
íng-uán m̄ hun-lī
