桂花樹之戀
https://www.youtube.com/watch?v=lnDKwYkBoDU&fbclid=IwAR1FjN8QKvLpyfaGTVNGpEdsn7cyA20TsnIboeS0fDnilZRId7jjnMuyZGg
《桂花樹之戀》Kuì-hue Tshiū tsi Luân
郭金發Kueh Kim-huat
白櫻Pe̍h Ing
——————————————
桂花樹欉
kuì-hue tshiū-tsâng
開花春天
khui-hue tshun-thinn
風颱無趣味
hong-thai bô tshù-bī
拍散著意愛情伴
phah-suànn tio̍h ì-ài tsîng-phuānn
怨妒連理枝
uàn-tòo liân-lí-ki
來拭著傷心珠淚
lâi tshit tio̍h siong-sim tsu-luī
離開伊身邊
lī-khui i sin-pinn
紅日頭墜落山崙
âng ji̍t-thâu tuī-lo̍h suann-lūn
引人心稀微
ín lâng sim hi-bî
聽見兩爿路邊樹欉
thiann-kìnn lióng-pîng lōo-pinn tshiū-tsâng
落葉聲哀悲
lo̍h-hio̍h siann ai-pi
自己也毋知
tsū-kí iā m̄-tsai
應該愛行佗位去
ìng-kai ài kiânn tó-uī khì
冷冰的秋風
líng-ping ê tshiu-hong
添阮滿腹酸苦味
thiam gún muá-pak sng-khóo bī
又想起溫柔友情
iū siūnn-khí un-jiû iú-tsîng
熱淚澹目墘
jia̍t-luī tâm ba̍k-kînn
純真愛情也受阻礙
sûn-tsin ài-tsîng iā siū tsóo-gāi
霜風陣陣寒
sng-hong tsūn-tsūn kuânn
你因何看破一切
lí in-hô khuànn-phuà it-tshè
放捒好情伴
pàng-sak hó tsîng-phuānn
懷抱著你的囝兒
huâi-phāu tio̍h lí ê kiánn-jî
唱著搖囝歌
tshiùnn tio̍h iô-kiánn-kua
每暗在夢中聽見
muí-àm tsāi bāng-tiong thiann-kìnn
動人疼心肝
tōng-lâng thiànn sim-kuann
無情烏雲漸漸散開
bô-tsîng oo-hûn tsiām-tsiām suànn–khui
一對翁某星
tsi̍t-tuì ang-bóo-tshinn
踮天邊一直閃爍
tiàm thinn-pinn it-ti̍t siám-sih
引人心綿綿
ín lâng sim mî-mî
咱雙人堅定情意
lán siang-lâng kian-tīng tsîng-ì
永遠無變志
íng-uán bô piàn-tsì
避開著一切阻礙
pī-khui tio̍h it-tshè tsóo-gāi
結成好情侶
kiat-sîng hó tsîng-lī
