春宵情伴
《春宵情伴》Tshun-siau Tsîng-phuānn
郭金發Kueh Kim-huat
——————————————
也毋願講出半句
iā m̄-guān kóng-tshut puànn-kù
甘蜜的情話
kam-bi̍t ê tsîng-uē
規暝來踮阮身邊
kui-mî lâi tiàm gún sin-pinn
頭殼激犁犁
thâu-khak kik luê-luê
到底有啥物心事
tàu-tué ū siánn-mih sim-sū
講也無關係
kóng iā bô kuan-hē
只有是你我兩人
tsí-ū sī lí guá nn̄g-lâng
應該著信賴
ìng-kai tio̍h sìn-nāi
男性對你的痴情
lâm-sìng tuì lí ê tshi-tsîng
像今夜你來傷心
tshiūnn kim-iā lí lâi siong-sim
哪有啥路用
ná-ū siánn-lōo-īng
溫柔的春風微微
un-jiû ê tshun-hong bî-bî
配合月色明
phuè-ha̍p ge̍h-sik bîng
只有是你我兩人
tsí-ū sī lí guá nn̄g-lâng
雖然你自嘆
sui-jiân lí tsū-thàn
自恨做著酒女花
tsū-hūn tsuè tio̍h tsiú-lú-hua
我也是為著生活
guá iā-sī uī-tio̍h sing-ua̍h
變成遮苦慘
piàn-sîng tsiah khóo-tshám
想起來命運相仝
siūnn–khí-lâi miā-ūn sio-kāng
哪有啥問題
ná-ū siánn būn-tuê
只有是你我兩人
tsí-ū sī lí guá nn̄g-lâng
怨嘆著爸母束縛
uàn-thàn tio̍h pē-bú sok-pa̍k
也是無了時
iā-sī bô-liáu-sî
有一日我會助你
ū-tsi̍t-ji̍t guá ē tsōo lí
跳出了火坑
thiàu tshut liáu hué-khinn
快樂來談情說愛
khuài-lo̍k lâi tâm-tsîng sueh-ài
敢無較趣味
kám bô khah tshù-bī
只有是你我兩人
tsí-ū sī lí guá nn̄g-lâng
甘願來為你一人
kam-guān lâi uī lí tsi̍t-lâng
犧牲了性命
hi-sing liáu sìnn-miā
毋願來無你
m̄-guān lâi bô lí
一人暝日心痛疼
tsi̍t-lâng mî-ji̍t sim thàng-thiànn
你也是真正明瞭
lí iā-sī tsin-tsiànn bîng-liâu
毋通心驚驚
m̄-thang sim kiann-kiann
只有是你我兩人
tsí-ū sī lí guá nn̄g-lâng
明日是透風落雨
bîng-ji̍t sī thàu-hong lo̍h-hōo
一切毋管伊
it-tshè m̄-kuán i
趁今夜靜靜
thàn kim-iā tsīng-tsīng
來聽夜蟲唱歌詩
lâi thiann iā-thâng tshiùnn kua-si
盡量來逍遙自在
tsīn-liōng lâi siau-iâu tsū-tsāi
過著春宵暝
kè tio̍h tshun-siau mî
只有是你我兩人
tsí-ū sī lí guá nn̄g-lâng
只有是你我兩人
tsí-ū sī lí guá nn̄g-lâng
