愛我有偌重
《愛我有偌重》Ài Guá Ū Guā Tāng
郭婷筠Kueh Tîng-ûn
——————————————
行在深情海岸
kiânn tsāi tshim-tsîng hái-huānn
唱著單身的演歌
tshiùnn tio̍h tuann-sin ê ián-kua
我像漂浪的海沙
guá tshiūnn phiau-lōng ê hái-sua
只是你的愛情過路人
tsí-sī lí ê ài-tsîng kuè-lōo-lâng
愛你愛甲心疼
ài lí ài kah sim thiànn
為你破碎女人夢
uī lí phuà-tshuì lú-jîn bāng
將咱的愛提去當店
tsiong lán ê ài the̍h-khì tǹg-tiàm
才知原來你毋捌愛過我
tsiah tsai guân-lâi lí m̄-bat ài kuè guá
一句情話
tsi̍t-kù tsîng-uē
講甲重如山
kóng kah tāng jû suann
最後一切變山崩
tsuè-āu it-tshè piàn suann pang
這段感情既然無希望
tsit tuānn kám-tsîng kì-jiân bô hi-bāng
請你冗早將我放
tshiánn lí liōng-tsá tsiong guá pàng
一句失陪
tsi̍t-kù sit-puê
講甲輕如紙
kóng kah khin jû tsuá
咱的未來就按呢準煞
lán ê bī-lâi tiō án-ne tsún suah
事到如今誰攏毋知影
sū kàu jû-kim siáng lóng m̄ tsai-iánn
到底你是愛我有偌重
tàu-té lí sī ài guá ū guā tāng
