為伊走千里
https://www.youtube.com/watch?v=oeR3W-uWlg4&fbclid=IwAR0IxngRA-BXWcYT0ERAjfeu3zjH83zW2MegXk3AB3F-cRkHIbVdHAp83r0
《為伊走千里》Uī I Tsáu Tshian-lí
郭金發Kueh Kim-huat
——————————————
↓↓—(口白)—↓↓
諸位先生
tsu uī sian-sinn
盈暗真寒
îng àm tsin kuânn
風也真透
hong iā tsin thàu
逐家會當來酒場啉酒
ta̍k-ke ē-tàng lâi tsiú-tiûnn lim-tsiú
實在真幸福
si̍t-tsāi tsin hīng-hok
現在我為恁唱一塊
hiān-tsāi guá uī lín tshiùnn tsi̍t-tè
為伊走千里
uī i tsáu tshing lí
希望會提高逐家的興趣
hi-bāng ē thê-ko ta̍k-ke ê hìng-tshù
請多多捧場多多指教
tshiánn to-to phóng tiûnn to-to tsí-kàu
↑↑—(口白)—↑↑
無天星無月娘
bô thinn-tshinn bô ge̍h-niû
只有夜鳥的啼哭
tsí-ū iā tsiáu ê thî-khàu
沿路來唱出這條歌
iân-lōo lâi tshiùnn-tshut tsit tiâu kua
懷念的情歌
huâi-liām ê tsîng-kua
一年過一年
tsi̍t-nî kuè tsi̍t-nî
手抱吉他走千里
tshiú phō gì-tah tsáu tshian-lí
規心來揣伊
kui-sim lâi tshē i
規心來揣伊
kui-sim lâi tshē i
追求著真正愛情
tui-kiû tio̍h tsin-tsiànn ài-tsîng
靠意志向前緊來去
khò ì-tsì hiòng-tsîng kín lâi-khì
自從伊離開去
tsū-tsiông i lī-khui khì
心肝親像血水滴
sim-kuann tshin-tshiūnn huih-tsuí tih
沿路來唱出這條歌
iân-lōo lâi tshiùnn-tshut tsit tiâu kua
難忘的情歌
lân-bōng ê tsîng-kua
心內有希望
sim-lāi ū hi-bāng
大街行了走小巷
tuā-kue kiânn-liáu tsáu sió-hāng
為伊目箍紅
uī i ba̍k-khoo âng
為伊目箍紅
uī i ba̍k-khoo âng
忍耐著心內苦痛
jím-nāi tio̍h sim-lāi khóo-thàng
走千里毋願叫艱難
tsáu tshian-lí m̄-guān kiò kan-lân
↓↓—(口白)—↓↓
盈暗我來酒場走唱
îng àm guá-lâi tsiú-tiûnn tsáu-tshiàng
實在毋是為著生活
si̍t-tsāi m̄-sī uī-tio̍h sing-ua̍h
我是欲來揣一个
guá sī beh lâi tshuē tsi̍t-ê
名叫秀蓮的查某囝
miâ kiò Siù-lián ê tsa-bóo-kiánn
兩年前我離開故鄉
nn̄g nî tsîng guá lī-khui kòo-hiong
行船去佇南美洲
kiânn-tsûn khì-tī Lâm-bí-tsiu
真久無轉來
tsin kú bô tńg–lâi
秀蓮的爸母
Siù-lân(sic) ê pē-bú
強強叫伊嫁予別人
kiông-kiông kiò i kè hōo pa̍t-lâng
伊忍受不住爸母的壓迫
i jím-siū bē-tsū pē-bú ê ap-pik
煞來逃走
suah lâi tô-tsáu
一去無消息
tsi̍t-khì bô siau-sit
日後我轉去故鄉
ji̍t-āu guá tńg-khì kòo-hiong
有接著伊一張無地址的批
ū tsiap-tio̍h i tsi̍t-tiunn bô tē-tsí ê phue
伊講流落煙花做著酒女
i kóng liû-lo̍h ian-hua tsuè tio̍h tsiú-lú
無面通見我
bô bīn thang kìnn guá
叫我當做伊是死去矣
kiò guá tòng-tsuè i sī sí–khì-ah
但是我知影
tān-sī guá tsai-iánn
我知影伊完全是為著我
guá tsai-iánn i uân-tsuân sī uī-tio̍h guá
我絕對無棄嫌伊
guá tsua̍t-tuì bô khì-hiâm i
手抱這支吉他
tshiú phō tsit ki gì-tah
一年過一年
tsi̍t-nî kuè tsi̍t-nî
一市過一市
tsi̍t-tshī kuè tsi̍t-tshī
為伊走千里
uī i tsáu tshian-lí
無論如何
bô-lūn jû-hô
也欲來揣著伊
iā beh lâi tshē-tio̍h i
↑↑—(口白)—↑↑
做男兒愛純情
tsuè lâm-jî ài sûn-tsîng
毋驚路途千里遠
m̄-kiann lōo-tôo tshian-lí hn̄g
沿路來唱出這條歌
iân-lōo lâi tshiùnn-tshut tsit tiâu kua
哀怨的情歌
ai-uàn ê tsîng-kua
一市過一市
tsi̍t-tshī kuè tsi̍t-tshī
每日流浪唱歌詩
muí-ji̍t liû-lōng tshiùnn kua-si
也是為著伊
iā-sī uī-tio̍h i
也是為著伊
iā-sī uī-tio̍h i
毋管是大風大雨
m̄-kuán sī tuā-hong tuā-hōo
靠勇氣向前緊來去
khò ióng-khì hiòng-tsîng kín lâi-khì
