求愛的條件
《求愛的條件》Kiû-ài ê Tiâu-kiānn
郭金發Kueh Kim-huat
——————————————
你若有希望愛一个
lí nā ū hi-bāng ài tsi̍t-ê
會對你純情的女性
ē tuì lí sûn-tsîng ê lú-sìng
第一步
tē-it pōo
態度愛正經
thāi-tōo ài tsìng-king
靠拍拚來創造好前程
khò phah-piànn lâi tshòng-tsō hó tsiân-tîng
有自信通予對方
ū tsū-sìn thang hōo tuì-hong
來快活過一生
lâi khuìnn-ua̍h kè it-sing
才通來
tsiah thang lâi
才通來表明
tsiah thang lâi piáu-bîng
表明你真實的愛情
piáu-bîng lí tsin-si̍t ê ài-tsîng
真實的愛情
tsin-si̍t ê ài-tsîng
你若有希望愛一个
lí nā ū hi-bāng ài tsi̍t-ê
會對你崇拜的女性
ē tuì lí tsông-pài ê lú-sìng
第一步
tē-it pōo
心緒愛鎮靜
sim-sū ài tìn-tsīng
來爭取經濟上的安定
lâi tsing-tshú king-tsè siōng ê an-tīng
人慷慨又閣有風度
lâng khóng-khài iū-koh ū hong-tōo
總會受歡迎
tsóng ē siū huan-gîng
自然會
tsū-jiân ē
自然會完成
tsū-jiân ē uân-sîng
完成你快樂的愛情
uân-sîng lí khuài-lo̍k ê ài-tsîng
快樂的愛情
khuài-lo̍k ê ài-tsîng
你若有希望愛一个
lí nā ū hi-bāng ài tsi̍t-ê
會對你幫助的女性
ē tuì lí pang-tsōo ê lú-sìng
第一步
tē-it pōo
眼光愛精明
gán-kong ài tsing-bîng
會理家會忍耐歹環境
ē lí-ke ē jím-nāi pháinn khuân-kíng
比較著美貌較會來
pí-kàu tio̍h bí-māu khah ē lâi
幫助你一生
pang-tsōo lí it-sing
趕緊來
kuánn-kín lâi
趕緊來進行
kuánn-kín lâi tsìn-hîng
進行你幸福的愛情
tsìn-hîng lí hīng-hok ê ài-tsîng
幸福的愛情
hīng-hok ê ài-tsîng
