可愛彼个人
《可愛彼个人》Khó-ài Hit ê Lâng
郭金發Kueh Kim-huat
——————————————
傷心的目屎滴
siong-sim ê ba̍k-sái tih
敢是路邊野花味
kám-sī lōo-pinn iá-hue bī
風微微吹著花枝
hong bî-bî tshue tio̍h hue-ki
花蕊墜落邊
hue-luí tuī lo̍h pinn
有人講伊出外去
ū-lâng kóng i tshut-guā khì
予阮孤單揣無你
hōo gún koo-tuann tshē-bô lí
天邊抑海角
thinn-pinn ia̍h hái-kak
也流浪夜港邊
iā liû-lōng iā-káng-pinn
啊~可愛彼个人
ah~ khó-ài hit ê lâng
思念彼个人
su-liām hit ê lâng
看見著濛濛海邊
khuànn-kìnn tio̍h bông-bông hái-pinn
約束山晡夜暗暝
iok-sok suann-poo iā-àm-mî
我佮你離別時
guá kah lí lî-pia̍t sî
雺霧罩四邊
bông-bū tà sì-pinn
烏色目睭澹目墘
oo-sik ba̍k-tsiu tâm ba̍k-kînn
看你面容帶愁意
khuànn lí bīn-iông tài tshiû-ì
一隻船在港邊
tsi̍t-tsiah tsûn tsāi káng-pinn
搖來又搖去
iô-lâi iū iô-khì
啊~可愛彼个人
ah~ khó-ài hit ê lâng
思念彼个人
su-liām hit ê lâng
在夢中揣著你
tsāi bāng-tiong tshē-tio̍h lí
猶原路邊見著你
iu-guân lōo-pinn kìnn tio̍h lí
忍不住哭哀悲
jím put-tsū khàu ai-pi
也是烏暗暝
iā-sī oo-àm-mî
決心將欲放袂記
kuat-sim tsiong buē pàng-buē-kì
望欲幸福過日子
bāng beh hīng-hok kè ji̍t-tsí
遙遠的鐘聲響
iâu-uán ê tsing-siann hiáng
可比咧叫你
kó-pí teh kiò lí
啊~可愛彼个人
ah~ khó-ài hit ê lâng
思念彼个人
su-liām hit ê lâng
啊~可愛彼个人
ah~ khó-ài hit ê lâng
思念彼个人
su-liām hit ê lâng
