初次的約會
《初次的約會》Tshoo-tshù ê Iok-huē
郭金發Kueh Kim-huat
——————————————
初次約會
tshoo-tshù iok-huē
我看你真歹勢
guá khuànn lí tsin pháinn-sè
佮你牽手坐做伙
kah lí khan-tshiú tsē tsò-hué
看你總是頭犁犁
khuànn lí tsóng-sī thâu luê-luê
可比一蕊純情花
khó-pí tsi̍t-luí sûn-tsîng hue
雙人輕聲佮細說
siang-lâng khin-siann kah sè-sueh
講出真心話
kóng-tshut tsin-sim-uē
雖然約會頭一回
sui-jiân iok-huē thâu-tsi̍t huê
對你了解真濟
tuì lí liáu-kái tsin tsuē
有緣相會
ū-iân siong-huē
希望會再相揣
hi-bāng ē tsài sio-tshuē
阮是初次出社會
gún sī tshoo-tshù tshut-siā-huē
朋友總是無偌濟
pîng-iú tsóng-sī bô guā tsuē
我愛只有你一个
guá ài tsí-ū lí tsi̍t-ê
一日無接你的電話
tsi̍t-ji̍t bô tsiap lí ê tiān-uē
心內真難過
sim-lāi tsin lân-kuè
你的笑容真美麗
lí ê tshiò-iông tsin bí-lē
予我為你痴迷
hōo guá uī lí tshi-bê
