再會啦初戀
《再會啦初戀》Tsài-huē–lah Tshoo-luân
郭金發Kueh Kim-huat
——————————————
↓↓—(口白)—↓↓
初戀
tshoo-luân
再會啦初戀
tsài-huē–lah tshoo-luân
環境已毋允准咱來做陣
khuân-kíng í m̄ ún-tsún lán lâi tsò-tīn
你我總是愛看破啦
lí guá tsóng-sī ài khuànn-phuà–lah
我愛早一日來放袂記
guá ài tsá-tsi̍t-ji̍t lâi pàng-buē-kì
彼當時的甘蜜
hit-tong-sî ê kam-bi̍t
我已經燒了初戀日記
guá í-king sio liáu tshoo-luân ji̍t-kì
為著你的快樂將來
uī-tio̍h lí ê khuài-lo̍k tsiong-lâi
為著你的幸福前途
uī-tio̍h lí ê hīng-hok tsiân-tôo
↑↑—(口白)—↑↑
孤一个來離開伊身邊
koo tsi̍t-ê lâi lī-khui i sin-pinn
走來踮寂寞的
tsáu lâi tiàm tsi̍k-bo̍k ê
異鄉的小城市
ī-hiong ê sió siânn-tshī
我已經毋再想
guá í-king m̄-tsài siūnn
過去的代誌
kè-khì ê tāi-tsì
來燒著初戀日記
lâi sio-tio̍h tshoo-luân ji̍t-kì
放捒心纏綿
pàng-sak sim tînn-mî
今夜的月娘
kim-iā ê ge̍h-niû
也伴阮嘆稀微
iā phuānn gún thàn hi-bî
伊一个雖毋甘阮分離
i tsi̍t-ê sui m̄-kam gún hun-lî
封建的伊爸母
hong-kiàn ê i pē-bú
無了解咱情意
bô liáu-kái lán tsîng-ì
做男兒應該著
tsuè lâm-jî ìng-kai tio̍h
認份咱自己
jīn-hūn lán tsū-kí
毋通來阻礙著伊
m̄-thang lâi tsóo-gāi tio̍h i
快樂青春時
khuài-lo̍k tshing-tshun sî
當做是一場夢
tòng-tsuè sī tsi̍t-tiûnn bāng
緊來放袂記
kín lâi pàng-buē-kì
彼一暝咱相會踮橋邊
hit tsi̍t-mî lán siong-huē tiàm kiô-pinn
小雨也落毛毛
sió-hōo iā lo̍h mn̂g-mn̂g
深更風冷吱吱
tshim-kinn hong líng-ki-ki
咱提議欲分離
lán thê-gī beh hun-lî
抱著目屎滴
phō tio̍h ba̍k-sái tih
雖然是雙人期待
sui-jiân sī siang-lâng kî-thāi
有緣再相見
ū-iân tsài siong-kìnn
祈願你免悲傷
kî-guān lí bián pi-siong
好好過日子
hó-hó kè ji̍t-tsí
