純情的行船人
《純情的行船人》Sûn-tsîng ê Kiânn-tsûn -lâng
郭金發Kueh Kim-huat
——————————————
彼一日阮佮伊分離
hit-tsi̍t-ji̍t gún kah i hun-lî
彼个小姑娘
hit ê sió-koo-niû
阮今日坐船轉來
gún kim-ji̍t tsē tsûn tǹg–lâi
才知踮酒場
tsiah tsai tiàm tsiú-tiûnn
為怎樣見阮一面
uī-tsuánn-iūnn kìnn gún tsi̍t-bīn
現出心憂愁
hiàn-tshut sim iu-tshiû
到底啥人破害著
tàu-tué siánn-lâng phò-hāi tio̍h
伊寶貴的自由
i pó-kuì ê tsū-iû
彼一日伊對阮露出
hit-tsi̍t-ji̍t i tuì gún lōo-tshut
幾句傷心話
kuí kù siong-sim uē
阮當做離別傷心
gún tòng-tsuè lī-pia̍t siong-sim
約束著再會
iok-sok tio̍h tsài-huē
全無疑伊是一个
tsuân bô-gî i sī tsi̍t-ê
可憐的身世
khó-liân ê sin-sè
兩人以前情意投機
nn̄g-lâng í-tsîng tsîng-ì tâu-ki
因何毋坦白
in-hô m̄ thán-pi̍k
彼一日依依來港邊
hit-tsi̍t-ji̍t i-i lâi kàng-pinn
送阮船出帆
sàng gún tsûn tshut-phâng
阮也是為伊一人
gún iā-sī uī i tsi̍t-lâng
心酸目箍紅
sim sng ba̍k-khoo âng
雖然是你踮在酒場
sui-jiân sī lí tiàm-tsāi tsiú-tiûnn
你也免苦痛
lí iā bián khóo-thàng
一切困難阮會盡力
it-tshè khùn-lân gún ē tsīn-li̍k
為你來幫忙
uī lí lâi pang-bâng