彈吉他的人
《彈吉他的人》Tuânn Gì-tah ê Lâng
郭金發Kueh Kim-huat
——————————————
走揣著心愛的人
tsáu-tshē tio̍h sim-ài ê lâng
每日心茫茫
muí-ji̍t sim bâng-bâng
抱吉他流浪街巷
phō gì-tah liû-lōng kue-hāng
過了半世人
kè-liáu puànn-sì-lâng
放捒了前途
pàng-sak liáu tsiân-tôo
一切的希望
it-tshè ê hi-bāng
追求著人生最後心願
tui-kiû tio̍h jîn-sing tsuè-āu sim-guān
啊~心愛的
ah~ sim-ài–ê
為你來變成了
uī lí lâi piàn-sîng liáu
彈吉他的人
tuânn gì-tah ê lâng
阮心內想你一人
gún sim-lāi siūnn lí tsi̍t-lâng
想到目箍紅
siūnn kàu ba̍k-khoo âng
沿路來彈琴唱歌
iân-lōo lâi tuânn-khîm tshiùnn-kua
毋知日頭暗
m̄-tsai ji̍t-thâu àm
無限的幸福
bô-hān ê hīng-hok
初次的美夢
tshoo-tshù ê bí-bāng
誰知會變成遮爾悽慘
siáng tsai ē piàn-sîng tsiah-nī tshi-tshám
啊~心愛的
ah~ sim-ài–ê
為你來變成了
uī lí lâi piàn-sîng liáu
彈吉他的人
tuânn gì-tah ê lâng
走揣著心愛的人
tsáu-tshē tio̍h sim-ài ê lâng
春夏到秋冬
tshun-hē kàu tshiu-tang
吉他聲叮噹叮噹
gì-tah siann tin-tang tin-tang
傳出阮苦痛
thuân-tshut gún khóo-thàng
迷人的笑容
bê-lâng ê tshiò-iông
可愛的形影
khó-ài ê hîng-iánn
到今夜無入阮的眠夢
tò kim-iā bô ji̍p gún ê bîn-bāng
啊~心愛的
ah~ sim-ài–ê
若無見你一面
nā-bô kìnn lí tsi̍t-bīn
阮是袂情願
gún sī buē tsîng-guān
